• کوئٹہ میں ہونے والی دہشتگردی کی مذمت کرتے ہیں شیعہ علماء کونسل پاکستان
  • علامہ شبیر حسن میثمی کا علامہ سید علی حسین مدنی کے کتابخانہ کا دورہ
  • مفتی رفیع عثمانی کی وفات سے علمی حلقوں میں خلاء پیدا ہوا علامہ شبیر حسن میثمی
  • مسئول شعبہ خدمت زائرین ناصر انقلابی کا دورہ پاکستان
  • علامہ عارف واحدی کا سید وزارت حسین نقوی اور شہید انور علی آخوندزادہ کو خراجِ تحسین / دونوں عظیم شخصیات قومی سرمایہ تھیں
  • علامہ شبیر میثمی کی وفد کے ہمراہ علامہ افتخار نقوی سے ملاقات
  • شیعہ علماء کونسل پاکستان کے وفد کی مفتی رفیع عثمانی کے فرزند سے والد کی تعزیت
  • سید ذیشان حیدر بخاری متحدہ طلباء محاذ کے مرکزی جنرل سیکرٹری منتخب ہوئے ۔
  • شیعہ علماء کونسل پاکستان کے اعلی سطحی وفد کی پرنسپل سیکرٹری وزیر اعظم پاکستان سے تعزیت
  • شیعہ علماء کونسل پاکستان کی نواب شاہ میں پریس کانفرنس

تازه خبریں

جے ایس او پاکستان کراچی کا بارگاہ فاطمہ ؑ انچولی میں ڈویژنل کنونشن کا انعقاد

جعفریہ پریس- جعفریہ اسٹوڈنٹس آرگنائزیشن پاکستان کراچی ڈویژن کے زیر اہتمام بارگاہ فاطمہ ؑ انچولی میں ڈویژنل کنونشن منعقد ہوا۔ ڈویژن بھر سے یونٹس نے کنونشن میں بھرپور شرکت کی اور بذریعہ ووٹنگ ولی احمد کو نیا میرکارواں منتخب کیا۔ رکن مرکزی مجلس نظارت منور عباس ساجدی نے نومنتخب ڈویژنل صدر سے حلف لیا۔ ڈویژنل صدر نے اپنے ابتدائی کلمات میں ڈویژنل کنونشن میں یونٹس کی بھرپور شرکت اور انہیں نئے میرکارواں کے طور پر منتخب کرنے پر ان کا شکریہ ادا کیا۔ انہوں نے اس عزم کا اعادہ کیا کہ وہ اپنی ذمہ داریوں کی انجام دہی کے لئے تمام صلاحیتیں بروئے کار لائیں گے اور تنظیم کو مزید فعال بنانے کے لئے ہر ممکن اقدام کریں گے۔ ڈویژنل کنونشن میں شیعہ علماء کونسل صوبہ سندھ کے جنرل سیکرٹری علامہ ناظر عباس تقوی، شیعہ علماء کونسل کراچی کے ڈویژنل  صدرعلامہ جعفر سبحانی، رکن مرکزی مجلس نظارت جے ایس او پاکستان منور عباس ساجدی اور سابق مرکزی صدر حسنین جاوید نے خصوصی شرکت کی۔
ڈویژنل کنونشن سے خطاب کرتے ہوئے علامہ ناظر عباس تقوی نے کہا کہ بحیثیت ایک الٰہی تنظیم آپ کی ذمہ داری ہے کہ آپ اپنی کردار سازی پر بھرپور توجہ دیں، اس کے بعد ہی آپ اصلاح معاشرہ کا اہم ترین فریضہ انجام دینے کے لائق ہوسکیں گے۔ یہی درس ہمیں قرآن کریم، احادیث پیغمبر ؐ اور اقوال معصومین ؑ سے ملتا ہے۔ پیغمبر اکرم نے نبوت کے اعلان سے پہلے اپنے کردار کو منوایا، یہی وجہ ہے کہ پیغمبر ؐ کا پیغام آج تک باقی ہے۔ اس موقع پر شیعہ علماء کونسل کراچی کے ڈویژنل صدرعلامہ جعفر سبحانی نے کہا کہ ایک تنظیمی کا اپنے رفتار و کردار و گفتار سے اندازہ ہوتا ہے کہ وہ کتنا مخلص تنظیمی ہے۔ وہ ظاہری نمود و نمائش اور ذاتی مفادات کو بالائے طاق رکھ کر تنظیمی ہدف کی تکمیل کے لئے آگے بڑھتا ہے، وہ کسی سے تعریف یا ستائش کا متمنی نہیں ہوتا بلکہ اس کا مقصد صرف اور صرف خوشنودی خداوندی ہوتا ہے۔
کنونشن سے رکن مرکزی مجلس نظارت منور عباس ساجدی نے اپنے خطاب میں جے ایس او کو مزید فعال بنانے پر زور دیا۔ انہوں نے کہا کہ جے ایس او ایک الٰہی تنظیم ہے جس کا ہدف طلبہ کی زندگیاں تعلیمات قرآن و سیرت محمد و آل محمد ؑ کے سانچے میں ڈھالنا ہے اور عظیم ہدف کی تکمیل کے لئے ہمیں کردار کو آج کے نوجوان کے سامنے بہترین بنا کر پیش کرنا ہے، تاکہ اس نوجوان میں بھی الٰہی بننے کا شوق پیدا ہو۔ اس لئے آپ مختلف علاقوں کے دورہ جات کریں اور وہاں تنظیمی پیغام کو نوجوانوں تک پہنچائیں۔ ڈویژنل کنونشن کا اختتام دعائے امام زمانہ ؑ سے ہوا۔