حکومت حیات خان قتل کیس کے پس پردہ حقائق سامنے لائے ۔ ترجمان شیعہ علما ء کونسل گلگت ڈویژن

جعفریہ پریس – شیعہ علما ء کونسل گلگت ڈویژن کے ترجمان نے حالیہ ہونے والے واقعے کی شد ید الفاظ میں مذمت کرتے ہوئے کہا کہ گجر برادری کے صدر حیات خان کا قتل علاقے کے پرُ امن ماحول کو خراب کرنے کی ساز ش ہے لہذا حکومت حیات خان قتل کیس کے پس پردہ حقائق عوام کے سامنے لائے تا کہ علاقے کے پر امن فضا کو فرقہ واریت سے بچایا جاسکے ۔ اس موقع پرترجمان نے دنیور کے عوام سے اپیل کی کہ وہ قانون نافذ کرنے والے اداروں سے تعاون کریں تا کہ اصل قاتل قانون کی گرفت سے نہ بچ سکے اور بے گناہ لوگوں کو اذیت سے بچایا جاسکے ۔ ترجمان شیعہ علما ء کونسل نے اہلسنت اکابرین سے بھی اپیل کی ہے کہ وہ حقائق کے سامنے آنے تک صبر و تحمل سے کام لیں-