جعفریہ پریس – ترجمان جعفریہ سٹوڈنٹس آرگنائزیشن طالبات پاکستان کا کہنا ہے کہ مرکزی آرگنائزر سیدہ سدرہ نقوی نے کراچی میں خواہر اسماء زھراء زیدی کوکراچی کی ڈویژنل آرگنائزر نامزد کر دیا۔ انھوں نے کہا کہ جے ایس او طالبات تنظیم سازی کے مراحل تیزی سے طے کر رہی ہے اور خواہران ملت کی تربیت و کرداری سازی کے لئے کوشاں ہے اسی لئے جے ایس او طالبات پاکستان قائد محترم کی خصوصی ہدایات کے مطابق اپریل میں ماہ تربیت منانے جا رہی ہے جس میں ملک بھر میں تربیتی ورکشاپس کا انعقاد کیا جائے گا ، اس موقع پہ مرکزی سرپرست سیدہ سدرہ نقوی نے کہا کہ ایسی خواہران جو ملت کے لئے درد رکھتی ہیں اور خواہران ملت کی کردار سازی میں معاونت کرنا چاہتی ہیں وہ ہم سے رابطہ کریں ہم انشاء اللہ انکو موقع دیں گے اور قائد ملت جعفریہ پاکستان حضرت آیت اللہ علامہ سید ساجد علی نقوی کی عظیم قیادت کے زیر سایہ الٰہی تنظیم جے ایس او پاکستان طالبات کی خدمت کریں گے۔
ایک اوربیان میں ترجمان جعفریہ سٹوڈنٹس آرگنائزیشن طالبات پاکستان کا کہنا ہے کہ مرکزی آرگنائزر سیدہ سدرہ نقوی نے ملتان میں خواہر مہک رباب کوملتان کی ڈویژنل آرگنائزر نامزد کر دیا۔ خواہر مہک رباب ایک ہونہار طالبہ ہیں اور اپنی یونیورسٹی میں بہترین انداز میں اپنی ذمہ داریاں ادا کر رہی ہیں اور اب قائد ملت جعفریہ علامہ ساجد علی نقوی حفظہ اللہ کی عظیم قیادت کے زیر سایہ الٰہی تنظیم جے ایس او طالبات پاکستان کے لئے اپنی خدمات پیش کرنے کا عزم رکھتی ہیں۔سیدہ سدرہ نقوی کا کہنا ہے کہ الٰہی تنظیم کے لئے ایسی ہی کارکنان کی ضرورت ہے اور جے ایس او طالبات پاکستان کی تمام ڈویژنل آرگنائزرزبہترین طالبات ہیں اور سٹوڈنٹس آرگنائزیشن کی سب سے بڑی کامیابی یہی ہے کہ ہونہار طالبات اسکا حصہ بنیں۔