منصورہ لاہور میں دینی جماعتوں کی تشکیل شدہ اسٹیرنگ کمیٹی کا اہم اجلاس لیاقت بلوچ کی سربراہی میں ہوا جس میں شیعہ علماء کونسل پاکستان کے مرکزی سیکریٹری جنرل علامہ عارف حسین واحدی نے خصوصی شرکت کی اس کمیٹی کا مقصد پاکستان مین لبرل ازم کی لہر کو روکنا ہے اور پاکستان کی نظریاتی سرحدوں کی حفاظت کرنا ہے اس اہم اجلاس میں علامہ عارف حسین واحدی نے خطاب کرتے ہوئے فرمایا کہ پاکستان کا مقدر ہی اسلام ہے پاکستان کا تشخص ہی اسلام ہے اگر حکمران اس تشخص کو مغربی قوتوں اور اسلام دشمن عناصر کی خواہشات پر پامال کرنے کی کوشش کرینگے تو یقینا ہم برداشت نہیں کرینگے جس طرح تمام مسالک نے مل کر تکفیریت کا مقابلہ کیا اسی طرح ہم سب مل کر اس لہر کو روکیں گے اور ان قوتوں کو جو ملک کو لبرلازم کی جانب لیکر جارہی ہیں ان کو ناکام بنائیں گے علامہ عارف واحدی نے حقوق نسواں بل کے حوالے سے حکومت اور دینی جماعتوں کی طرف سے بننے والی کمیٹی کے حوالے سے اجلاس میں گفتگو کرتے ہوئے کہا کہ کمیٹی کا بننا بہتر اقدام ہےجو شقیں اس میں غیر اسلامی ہیں حکومت اس کو تبدیل اور اس میں ترمیم کرنے پر آمادہ ہے اس کام کو سنجیدگی سے لیکر اس کو آگے بڑھانا چاھئے علامہ عارف واحدی نے کہا کہ قومی اسمبلی میں اس ہفتے دو بل لائے جارہے ہیں غیرت کے نام پر قتل کے بارے میں جو بل لایا جارہا ہے یہ بل کہ غیرت کے نام پر قتل ختم کرنے کے لئے یا اصل میں پاکستان سے غیرت کا جنازہ نکالنے کے لئے ہے ؟ زنا بالجبر کے بل کا کیا معنی ہے پاکستان ایک اسلامی ریاست ہے زنا ایک جرم ہے زنا بالجبر پر قانون آئیگا زنا پر نہیں آئے گا یہ مغربی سوچ ہے پاکستان میں ایسا بل لانا پاکستان سے مذاق ہے اسلامی قوانین سے مذاق ہے اس قسم کے قدامات سے امت مسلمہ کے جذبات کو ٹھیس پہنچے گی ہم سب کو مل کر اس کے خلاف آواز اٹھانا ہوگی اسلام ہی اس ملک کا مستقبل ہے علامہ عارف واحدی نے مزید گفتگو کرتے ہوئے کہا کہ دینی قوتوں کو مل کر اور زندگی کے مختلف شعبوں سے تعلق رکھنے والے افراد و شخصیات سے رابطہ کرنا ہوگا تاکہ مل کر ایک طاقتور آواز اٹھائی جاسکے اتحاد و وحدت ہی میں کامیابی ہے علامہ عارف واحدی نے قائد ملت جعفریہ پاکستان کا پیغام اتحاد بھی اجلاس میں پیش کیا اجلاس مین متفقہ طور پر طے ہوا کہ پورے ملک میں نظام مصطفی کے عنوان سے پروگرامز کا انعقاد کیا جائے گا اور پاکستان کے عوام کو بیدار کیا جائے گا عوام پاکستان کسی صورت لبرل ازم کو برداشت نہیں کریگی
- حکومـــت بجــٹ میں عوامی مسائــل پر توجہ دے علامہ شبیر حسن میثمی
- جی 20 کانفرنس منعقد کرنے سے کشمیر کےمظلوم عوام کی آواز کو دبایانہیں جا سکتا
- پاراچنار میں اساتذہ کی شہادت افسوسناک ہے ادارے حقائق منظر عام پر لائیں شیعہ علماء کونسل پاکستان
- رکن اسمبلی اسلامی تحریک پاکستان ایوب وزیری کی چین میں منعقدہ سیمینار میں شرکت
- مرکزی سیکرٹری جنرل شیعہ علماء کونسل پاکستان کا ملتان و ڈیرہ غازی خان کا دورہ
- گلگت بلتستان کے طلباء کے لیے عید ملن پارٹی کا اہتمام
- فیصل آباد علامہ شبیر حسن میثمی کا فیصل آباد کا دورہ
- شہدائے جے ایس او کی قربانی اور ان کی خدمات کو ہمیشہ یاد رکھا جائے گا مرکزی صدر جے ایس او پاکستان
- علامہ شبیر حسن میثمی سے عیسائی پیشوا کی ملاقات
- کارکنان ملک گیر ورکر کنونشن کی تیاری کریں ڈاکٹر علامہ شبیر حسن میثمی