راولپنڈی محرم الحرام کے حوالے سے کمشنر سے شیعہ علماء کونسل پاکستان کے مرکزی سکریٹری جنرل کی ملاقات

راولپنڈی:محرم الحرام میں امن و امان برقرار رکھنےکے حوالے سے کمشنر دفتر میں اھم میٹنگ ھوئی جس میں کمشنر،آر پی او،صوبائی وزرا،ڈویژن کے انتظامی افسران،مختلف مسالک کے جید علمائ کرام شریک ھوئے۔علامہ عارف حسین واحدی نے اپنے خطاب میں اتحاد بین المسلمین پر زور دیتے ھوئے کہا کہ امام حسین کی عظیم قربانی کی یاد سب مسلمان اپنے اپنے انداز میں مناتے ھیں ھماری کامیابی اس میں ھے کہ اپنے خطابات،پروگراموں میں امام حسین سے عقیدت کو نکتہ اتحاد و یکجہتی بناتے ھوئےبہترین انداز میں محرم کے پروگرام منائیں دوسرے مسالک کے مقدسات کی توہین و تکفیر سے اجتناب کریں۔اپنے خطابات میں باھمی وحدت و اخوت کی اھمیت کو اجاگر کریں شہدائ کربلا کی قربانیوں کے اس عظیم مقصد پر گفتگو ھو جس کی خاطر یاران و عزیزان امام حسین نے اتنی بڑی قربانی دی ھے،اگر ھم سب ملکر اس مقدس مشن کو بیان کریں اور فلسفہ شہادت پر گفتگو کریں تو اسلام کا پرچم سربلند ھو گا۔
علامہ عارف واحدی نے کہا کہ یہ امن کی میٹنگز اس لئے ھوتی ھیں کی عزاداری کے پروگراموں کو بہتر انداز میں برگزار کرنے کے لئے بہتر انتظامات کئے جائیں اس سلسلے میں ھم ھر قسم کا تعاون پہلے بھی کرتے ھیں اورآئندہ بھی جاری رکھیں گے۔ھم نے اپنےمسلسل کوششوں سے ملک میں قربانیاں دیکر اتحاد و وحدت کی فضا کو برقرار رکھا ھے ملکی استحکام اوروطن عزیز کو امن کا گہوارہ بنانے کے لئے سب مسالک کے علما آپس میں ھمیشہ متحدو متفق ھین راولپنڈی ھمیشہ امن کا گہوارہ رھا ھے چند سال پہلے جو تعلیم القرآن کا سانحہ رونما ھوا وہ بھی اب واضح ھو چکا ھے کہ بڑی سازش تھی اس میں اب انتظامیہ کو اپنا کردار ادا کرنے کی ضرورت ھے تاکہ بے گناہ لوگوں کو ریلیف دیا جائے۔لائسنسی اور روائتی جلوس اور چار دیواری کے اندر مجالس پر کوئی قدغن قابل قبول نہیں ھے،عوام کے آئینی و قانونی حقوق کا خیال رکھنا حکومت کی ذمہ داری ھے۔