راولپنڈی ; امام بارگاہ اثنا عشری گریسی لائن کے قریب دھماکہ – 3افراد جاں بحق , 8 افراد زخمی

جعفریہ پریس – راولپنڈی میں ایئرپورٹ کے قریب گریسی لائن میں دھماکے میں3افراد جاں بحق اور ایک درجن سے زیادہ زخمی ہو گئے،دھماکا امام بارگاہ کے قریب کیا گیا ۔ سی سی پی او راولپنڈی کا کہنا ہے کہ گریسی لائن میں خودکش حملہ آورموٹر سائیکل پر سوار تھا ،جائے وقوع پر موجود پولیس اہلکاروں نے موٹرسائیکل سوارکوروکالیکن اس نے خودکودھماکے سے اْڑالیا۔ جاں بحق ہونے والوں میں ایک سب انسپکٹر بھی شامل ہے۔  جاں بحق اور زخمی ہونے والوں میں اکثریت پولیس اہلکاروں کی ہے، زخمیوں کو بے نظیر بھٹو اسپتال منتقل کردیا گیا ہے، جن میں تھانہ ایئرپورٹ کے ایس ایچ او انسپکٹر رب نواز بھی شامل ہیں۔ پولیس نے علاقے کو چار اطراف سے گھیرے میں لے لیا جبکہ بم ڈسپوزل سکوارڈ کا عملہ جائے وقوعہ سے شواہد اکٹھے کر رہا ہے۔ ادھر راولپنڈی کے ہسپتالوں میں ایمرجنسی نافذ کر دی گئی ہے