رہبر انقلاب اسلامی کا خطبہ انتہائی اہمیت کا حامل ہے ، قائد ملت جعفریہ پاکستان

رہبر انقلاب اسلامی کا خطبہ انتہائی اہمیت کا حامل ہے ، قائد ملت جعفریہ
خطبہ اعلیٰ معیار ، حکیمانہ رہبری و رہنمائی اورشجاعت کا بہترین نمونہ ہے ، علامہ سید ساجد علی نقوی
 رہبر معظم کی پالیسی پر عمل کرتے ہوئے تمام مسلمان متحد ہوجائیں تو دشمن پر قابو پاسکتے ہیں، جمعہ خطبہ پر تبصرہ
راولپنڈی /اسلام آباد 5اکتوبر 2024ء (       جعفریہ پریس پاکستان       )رہبر انقلاب اسلامی آیت ا۔۔ہ العظمیٰ علی خامنہ ای کے جمعہ خطبہ پر تبصرہ کرتے ہوئے قائد ملت جعفریہ پاکستان علامہ سید ساجد علی نقوی نے کہا کہ رہبر انقلاب اسلامی کا خطبہ انتہائی اہمیت کا حامل ہے ،خطبہ اعلیٰ معیار ، حکیمانہ رہبری و رہنمائی اورشجاعت کا بہترین نمونہ ہے ،اگر رہبر معظم کی پالیسی پر عمل کرتے ہوئے تمام مسلمان متحد ہوجائیں تو دشمن پر قابو پاسکتے ہیں۔علامہ ساجد نقوی نے کہا کہ رہبر معظم نے آشکار کیا ہے کہ دشمن کی پالیسی ہے کہ مسلمانوں میں اختلافات پید اکئے جائیں اور اس پالیسی کو مسلم ممالک میں مختلف طریقوں سے اپنایا گیا ہے دراصل دشمن کی پالیسی ہی تفرقہ انگیزی ہے ۔دشمن الگ الگ حملہ حملے کرتے ہیں لیکن حکم سب کو ایک ہی جگہ سے آتا ہے، اگر مسلمان متحد ہوجائیں تو دشمن پر قابو پاسکتے ہیں ۔انہوںنے مزید کہاکہ اگر قرآن کریم کے مطابق اگر مسلمان ایک دوسرے سے متحد رہیں تو انہیں ا۔۔ہ کی بے پناہ طاقت،رحمت و حکمت سے بہرہ مند ہونے کا موقع دیاجائیگا۔ آخر میں قائدملت جعفریہ علامہ ساجد نقوی نے متوجہ کیا کہ اصل مجرم سامراج ہے اور صہیونیت کی حالت ایسے غلام جیسی ہے جیسے قرآن میںہے (وہ غلام )اپنے آقا پر ایک بوجھ ہے جہاں کہیں اسے بھیجے اس سے کوئی خوبی کی بات نہ بن پائے او ر سامراج کا مقصد بڑا واضح ہے جس کی نشاندہی رہبر معظم نے فرمائی کہ سامراج نے صہیونی حکومت کے تحفظ کی گارنٹی لی ہے جو دراصل اس علاقے کے تمام وسائل پر قبضہ کرنے کی سازش ہے ۔سامراج کا مقصد صہیونی حکومت کو مغرب کیلئے انرجی اور سامان کی فراہمی کا دروازہ بنانا ہے، سامراج کا یہ خواب چکنا چور ہوگا۔