زندہ قومیں اپنے شہداء کو بھلایا نہیں کرتیں شہید اپنے خون کا نذرانہ دے کر قوموں کو زند گی دیتے ہیں۔ علامہ محمد رمضان توقیر

 جعفریہ پریس- قائد ملت جعفریہ پاکستان ونمائندہ ولی فقیہ حضرت آیت اللہ علامہ سید ساجد علی نقوی کی ہدایت اورزہرا اکیڈمی کے مالی تعاون سے شہر شہادت ڈیرہ اسماعیل خان کے شہداء کے بیوگان اور یتامیٰ میں شہداء کے خانوادہ کو عید قربان کی عیدی شیعہ علماء کونسل خیبر پختونخوا کے صوبائی صدر علامہ محمد رمضان توقیر کی سرپرستی میں تقسیم کی گئی۔ جس میں علماء کرام عہدہ داران و کارکنان شریک رہے۔
علامہ محمد رمضان توقیر نے شہید اء کے خانوادوں سے گفتگو کرتے ہوئے کہا کہ زندہ قومیں ہمیشہ اپنے شہداء کو کبھی نہیں بھلایا کرتیں۔ کیونکہ شہید کی جو موت ہے وہ قوم کی حیات ہے۔شہید اپنی جان کا نذرانہ پیش کر کے قوم کو حیات بخشتا ہے۔
ورثاء اور بیوگان نے قائد ملت جعفریہ پاکستان حضرت آیت اللہ علامہ سید ساجد علی نقوی ،علامہ محمد رمضان توقیر اور زہرا اکیڈمی کے ذمہ داران کا شکریہ ادا کیا اور دعائیں دیں۔