سرزمین لیہ کے ہزاروں غیور مومنین اپنے محبوب قائد کا تاریخی اور شاندار استقبال کیلئے مکمل تیار۔ لیہ لبیک یا حسین (ع) کے فلک شگاف نعروں سے گونج اٹھا

جعفریہ پریس – قائد ملت جعفریہ پاکستان حضرت آیت اللہ علامہ سید ساجد علی نقوی آج صبح دو روزہ دورہ پر لیہ روانہ ہو چکے ہیں اور لیہ مومنین کی کئی ہفتوں کے انتظار کی گھڑیاں ختم ہونے والی ہیں۔ جعفریہ پریس کے نمائندے کی رپورٹ کے مطابق آج کا جب سورج طلوع  ہوا تو سرزمین لیہ کی بستی بستی ، چوک چوک اور گلی گلی میں جوش و خروش نظر آیا ۔ مومنین بڑے بڑے قافللوں کی صورت میں کوٹ سلطان کی طرف رواں دواں تھے ہرطرف جوش وخروش اورمومنین کا جذبہ قابل دید تھا ۔ جب مختلف قافلے سلطان کوٹ کے مرکزی کاروان سےملحق ہوئے تو استقبالیہ کاروان کئی میلوں تک نظر آنے لگا ۔ اس موقع پرنوجوانوں کا جذبہ دید نی تھا ۔ جعفریہ پریس کے نمائندے سے گفتگو کرتے ہوئے مختلف نوجوانوں نے خوشی کا اظہار کرتے ہوئے کہا کہ الحمدللہ ہم لاوارث قوم نہیں بلکہ ہمارے پاس نظام ولایت موجود ہے اور آج ہم قائد ملت جعفریہ پاکستان کو سفیر مولا حسین (علیہ السلام) سمجھ کر تجدید بیعت کیلئے یہاں آئے ہیں ۔
جعفریہ پریس کے نمائندے کی رپورٹ کے مطابق کوٹ سلطان میں اس وقت قدم رکھنے کی جگہ نہیں رہی اور انتظامیہ حضرات بہت مشکل سے مومنین کو کنٹرول کر رہے ہیں تا کہ استقبالیہ پروگرام اپنی شان و شوکت سے منعقد ہوسکے ۔ اطلاعات کے مطابق قائد ملت جعفریہ کوٹ سلطان سے بستی توحید جائیں گے جہاں پر انہوں نے جامعۃالفاطمہ زہرا (سلام اللہ علیہا ) کے سالانہ پروگرام میں خصوصی شرکت اور صدارتی خطاب فرمائیں گے ۔ جبکہ راستہ میں مختلف بستوں اور شہروں میں استقبالیہ کیمپوں میں بھی مومنین سے خطاب فرمائیں گے ۔