شیعہ علماء کونسل پاکستان کی سینٹرل کمیٹی کے اجلاس میں فیکٹ فائنڈنگ کمیٹی، عدالتی تحقیقاتی کمیشن سمیت ملکی صورتحال پر اہم فیصلہ جات

جعفریہ پریس – شیعہ علماء کونسل پاکستان کی سینٹرل کمیٹی کا دو روزہ اجلاس بزرگ رہنما اور شیعہ علماء کو نسل پاکستان کے مرکزی سینئر نائب صدر سید وزارت حسین نقوی ایڈووکیٹ کی زیر صدارت منعقد ہوا- اجلاس میں چاروں صوبوں، آزاد کشمیر، صوبہ گلگت بلتستان سے سینٹرل کمیٹی کے عہدیداران نے بھرپور شرکت کی۔ اجلاس میں ملک کی مجموعی صورتحال خصوصاً سانحہ عاشور راولپنڈی، ملتان، چشتیاں، ہنگو اور حالیہ سانحہ کراچی سمیت ملک کے دیگر حصوں میں پیش آنیوالے واقعات زیر بحث آئے اور ان سانحات کی شدید مذمت کی گئی جبکہ سانحہ راولپنڈی کے بعد بلاجواز گرفتاریوں کا معاملہ بھی زیر غور آیا اور پنجاب حکومت کی جانب سے قائم کی گئی فیکٹ فائنڈنگ کمیٹی، عدالتی تحقیقاتی کمیشن پر بھی غور کیا گیا اور کچھ اہم اقدامات بھی تجویز کئے گئے۔ اجلاس میں حضرت آیت اللہ قائد ملت جعفریہ پاکستان علامہ سید ساجد علی نقوی نے خصوصی شرکت اور خطاب کیا-