شیعہ علماء کونسل خیبر پختونخوا کے زیر اہتمام قائد شہید علامہ سید عارف حسین الحسینی کی برسی کے حوالے سے شہید گاہ حسینی جامع شہید عارف حسینی میں آج مورخہ 4 اگست کو بعد از نماز جمعہ کارکنان شیعہ علماء کونسل نے شہید گاہ پر پہنچے جن کی قیادت صوبائی جنرل سیکریٹری آخونزادہ مظفر علی ، ممبر سیاسی سیل اسلامی تحریک آخونزادہ اقتدار علی اور صوبائی سیکریٹری مالیات میر غلام مرتضی نے کی اور ماتمی سنگت سخی منور شاہ امامیہ کالونی نے اس موقع پر قائد شہید اور شہداء ملت جعفریہ کو خراج عقیدت پیش کرتے ہوئے ترانہ بھی پڑھا۔ اس موقع پر زاہد علی زیدی ، نوازش علی حیدری ، احسن شہباز علی ، حسنین علی عباس آخونزادہ بھی شامل تھے۔ شہید گاہ حسینی پر شیعہ علماء کونسل کی جانب سے پھولوں کا گلدستہ پیش کیا گیا۔ عالمی متحدہ مشائخ کونسل کے علامہ محمد شعیب ، جامع شہید عارف حسینی کے پرنسپل علامہ سید جمیل حسن اور صوبائی جنرل سیکریٹری آخونزادہ مظفر علی نے پھولوں کا گلدستہ مقتل گاہ حسینی پر رکھا۔ آخر میں علامہ محمد شعیب نے اجتماعی دعا بھی کروائی۔
Menu
