علامہ شبیر میثمی کی مولانا فضل الرحمن سے ملاقات

اسلام آباد:
شیعہ علماء کونسل پاکستان کے مرکزی سیکرٹری جنرل علامہ ڈاکٹر شبیر حسن میثمی اور مرکزی سیکرٹری اطلاعات زاہد علی آخونزادہ نے جمعیت علمائے اسلام کے سربراہ مولانا فضل الرحمان سے ملاقات کی۔ اس موقع پر سینٹر عطا الرحمان بھی شریک تھے۔ ملاقات میں ملکی سیاسی مذہبی مسائل پر گفتگو ہوئی۔ جبکہ میں ملک میں امن و امان کے قیام، روا داری کے فروغ اور اتحاد امت کے لیے کاوشوں کو اہم قرار دیتے ہوئے تمام مسائل کو مل کر حل کرنے کی ضرورت پر بھی زور دیا گیا۔ اور اس ضمن میں ماضی کی طرح مستقبل میں دینی جماعتوں کے کردار کو مسلمہ قرار دیا گیا۔