• حساس نوعیت کے فیصلے پر سپریم کورٹ مزیدوضاحت جاری کرے ترجمان قائد ملت جعفریہ پاکستان
  • علامہ شبیر میثمی کی زیر صدارت یوم القد س کے انعقاد بارے مشاورتی اجلاس منعقد
  • برسی شہدائے سیہون شریف کا چھٹا اجتماع ہزاروں افراد شریک
  • اعلامیہ اسلامی تحریک پاکستان برائے عام انتخابات 2024
  • ھیئت آئمہ مساجد و علمائے امامیہ پاکستان کی جانب سے مجلس ترحیم
  • اسلامی تحریک پاکستان کے سیاسی سیل کا اجلاس اسلام آباد میں منعقد ہوا
  • مولانا امداد گھلو شیعہ علماء کونسل پاکستان جنوبی پنجاب کے صدر منتخب
  • اسلامی تحریک پاکستان کے زیر اہتمام فلسطین و کشمیر کانفرنس
  • ملک کا امن شرپسندوں اور دہشتگردوں کے خاتمے میں مضمر ہے، علامہ شبیرمیثمی
  • اسلامی تحریک پاکستان کا ویڈیو لنک اجلاس اہم فیصلہ جات

تازه خبریں

علامہ مرزا یوسف حسین پر قاتلانہ حملہ حکومتی ارکان کے منہ پر ایک اور طمانچہ ہے،عبداللہ رضا

جعفریہ پریس- جعفریہ اسٹوڈنٹس آرگنائزیشن پاکستان کے مرکزی سینیئر نائب صدر برادر عبداللہ رضا نے کہا ہے کہ آئے روز ملک میں دہشت گردی کے واقعات ہو رہے ہیں، مہنگائی آسمانوں کو چھو رہی ہے، ملک خانہ جنگی کی طرف بڑھ رہا ہے جبکہ ہمارے وزیراعظم صاحب یہ بیان دیتے ہوئے نظر آتے ہیں کہ دہشت گردوں سے آہنی ہاتھوں سے نمٹا جائے گا۔ ملکی صورت حال دن بدن خراب ہوتی جا رہی ہے اور حکومتی ارکان بیان بازی کے علاوہ کوئی عملی اقدام نہیں کر رہے۔ سانحہ عاشورہ کے بعد سے پورے ملک میں تسلسل سے دہشت گردی کے واقعات ہو رہے ہیں لیکن آج تک حکومت نے کسی بھی دہشت گرد کو گرفتار نہیں کیا۔ ان خیالات کا اظہار جے ایس او پاکستان کے مرکزی سینئیر نائب صدر برادر عبداللہ رضا نے علامہ مرزا یوسف حسین پر قاتلانہ حملہ کی شدید مذمت کرتے  ہوئے کیا۔
انہوں نے مزید کہا کہ اگر حکومت گذشتہ واقعات میں ملوث دہشت گردوں کو گرفتار کرکے منظر عام پر لاتی اور ان کو فوری سزائیں دی جاتیں تو دہشت گردی کے ان واقعات پر قابو پایا جاسکتا تھا۔ جے ایس او کے مرکزی سینیئر نائب صدر نے کہا کہ کل کراچی میں علامہ مرزا یوسف حسین پر قاتلانہ حملہ حکومتی ارکان کے منہ پر ایک اور طمانچہ ہے،دہشت گردی کا یہ واقعہ حکومت کی رٹ کو چیلنج کر رہا ہے، ہم اس واقعہ کی بھرپور مذمت کرتے ہیں اور حکومت وقت سے مطالبہ کرتے ہیں کہ ملک میں لاء اینڈ آرڈر کی بگڑتی ہوئی صورتحال پر فی الفور قابو پایا جائے،اگر ایسا نہ کیا گیا تو وہ وقت دور نہیں کہ جب عوام اپنے ان نمائندوں کو جنہیں وہ ووٹ کی طاقت سے بر سراقتدار لائے تھے انہی نمائندوں کو سڑکوں پر گھسیٹتے ہوئے نظر آئیں گے۔