اسلام آباد:- 31 مئی 2022
شیعہ علماء کونسل پاکستان اور وفاق المدارس شیعہ پاکستان کے ایک مشترکہ وفد نے وفاقی وزیر تعلیم رانا تنویر حسین سے ملاقات کی۔ ملاقات میں شیعہ علماء کونسل پاکستان کے وفد کی سربراہی مرکزی سیکرٹری جنرل علامہ ڈاکٹر شبیر حسن میثمی اور وفاق المدارس کے وفد کی قیادت علامہ محمد افضل حیدری کر رہے تھے۔ وفد میں شیعہ علماء کونسل پاکستان کے مرکزی نائب صدر علامہ عارف حسین واحدی، سابق ممبر اسلامی نظریاتی کونسل علامہ سید افتخار حسین نقوی، ممبرز نصاب کمیٹی و نمائندہ وفاق المدارس علامہ شیخ شفاء نجفی، علامہ ڈاکٹر محمد نجفی، شیعہ علماء کونسل کے رہنماء علامہ حافظ سید کاظم رضا نقوی، علامہ ملک محمد تحسین، شیعہ علماء کونسل پاکستان کے مرکزی سیکرٹری اطلاعات زاہد علی آخونزادہ اور رہنما شیعہ علماء کونسل سید اظہار بخاری شامل تھے۔ اجلاس میں تعلیمی و دیگر مسائل کے حوالے تبادلہ خیال ہوا اور تعلیمی مسائل کے حل کے لیے باہمی روابط کو فروغ دینے پر اتفاق ہوا۔
