عوام کے بنیادی، آئینی، قانونی اور شہری آزادیوں کے حصول کی جدوجہد جاری رہے گی،قائد ملت جعفریہ پاکستان علامہ سید ساجد نقوی
ملک کا بیشتر حصہ سیلاب سے متاثر، ذمہ داران عوامی مشکلات کے ازالہ کےلئے کردارادا کریں، قائد ملت جعفریہ پاکستان
راولپنڈی /اسلام آباد 30ستمبر 2022 ء( جعفریہ پریس پاکستان )
قائد ملت جعفریہ پاکستان علامہ سید ساجد علی نقوی کہتے ہیں کہ روز اول سے ہم عوام کے بنیادی‘ آئینی‘ قانونی اور شہری آزادیوں کے حصول اور تحفظ کے لئے مسلسل کوشاں ہیں جن کی ضمانت تشکیل پاکستان اور دستور پاکستان کے وقت ریاست نے فراہم کی تھی اسی تسلسل میں 30 ستمبر 1988 ءکو عزاداروں نے اپنی جانوں کے نذرانے پیش کئے اور وطن عزیز کی بنیادوں کو مستحکم کیا‘ اسی طرح 28 ستمبر 1999 ءکو ڈیرہ اسماعیل خان ہی کے ہی ایک مایہ ناز سپوت‘ ممتاز قانون دان اور سیاسی و سماجی شخصیت خورشید انور ایڈووکیٹ نے اپنی دختر کے ہمراہ جام شہادت نوش کیا۔ اپنے پیغام میں علامہ ساجد نقوی نے مزید کہا کہ ملک میں مختلف حوالوں سے طاقتور حصہ ہونے اساسی رول ادا کرنے کے سبب اور اتحاد و وحدت کے فورمز کے موجد کے طور پر ہماری جدوجہد اور کاوشوں سے انکار ممکن نہیں اور مشکلات کے باوجود ہماری جدوجہد جاری ہے۔ شہری حقوق کا دفاع و تحفظ کرتے ہوئے جن شہداءنے اپنی جانوں کی عظیم قربانی پیش کی وہ کبھی رائیگاں نہیں جاسکتی کیونکہ سانحہ ڈیرہ اسماعیل خان درحقیقت ایک تاریخی تسلسل ہے ،کبھی کراچی‘ کبھی کوئٹہ‘ کبھی پاراچنار کبھی گلگت و بلتستان ، بابو سرٹاپ اور کبھی پشاور سمیت ملک کے دیگر علاقے مقتل گاہ کا منظر پیش کرتے دکھائی دیئے۔ ان کا کہنا ہے کہ اس وقت ملک جن گھمبیر اور نازک حالات سے دوچار ہے‘ سیاسی و معاشی ابتری کے علاوہ عوام سیلاب جیسی مشکل ترین صورتحال میں اذیت ناک صورت حال کا شکار ہیں اس کے خاتمے کے لئے بھی ہم ملک کے ذمہ دار اور محب وطن ہونے کے ناطے مخلص اور فکر مند ہیں تمام ذمہ داران سے تقاضا کرتے ہیں کہ وہ صورت حال کی سنگینی کا ادراک کرتے ہوئے ملک کو اس بھنور اور دلدل سے نکالنے میں اپنا کردار ادا کریں۔قائد ملت جعفریہ پاکستان نے شہدائے ڈیرہ اسماعیل خا ن اور شہید خورشید انور ایڈووکیٹ کی قومی و ملی خدمات کو خراج تحسین پیش کرتے ہوئے جہاں ان کے خانوادوں سے دلی ہمدردی ظاہر کرتے ہوئے شہداءکے درجات کی بلندی کی خصوصی دعا بھی کی وہیں کہاکہ جن اسباب کے باعث یہ سانحات ہوئے ان علل و اسباب کے خاتمے کی ضرورت ہے۔
- ایران اور سعودی عرب کے درمیان سفارتی تعلقات کی بحالی وقت کی ضرورت ھے۔علامہ عارف واحدی
- اسلامی تحریک پاکستان کا صوبائی ا نتخابات میں بھرپور حصہ لینے کا اعلان
- جامعہ جعفریہ جنڈ کے زیر اہتمام منعقدہ عظیم الشان نہج البلاغہ کانفرنـــــس
- سانحہ پشاور مجرموں کی عدم گرفتاری حکومتوں کی ناکامی کا منہ بولتا ثبوت ہے، ترجمان قائد ملت جعفریہ ہاکستان
- سانحہ بسری کوہستان !عشرہ گزر گیا مگر قاتل پکڑے گئے نہ مظلومین کو انصاف ملا،
- راہِ حسین(ع) پر چلنے کیلئے شہداء ملت جعفریہ نے ہمیں بے خوف بنا دیا ہے۔علامہ شبیر حسن میثمی
- شیعہ علماء کونسل پاکستان سندھ کے زیر اہتمام کل شہدائے سیہون کی برسی کا اجتماع ہوگا
- شہدائے سیہون شریف کی برسی میں بھرپور شرکت کو یقینی بنائیں علامہ شبیر حسن میثمی
- ثاقب اکبر کی وفات پر خانوادے سے اظہار تعزیت کرتے ہیں علامہ عارف حسین واحدی
- شیعہ علماء کونسل پاکستان کی ثاقب اکبر کے انتقال پر تعزیت