غزہ میں ننگی جارحیت پر یہودی بھی چیخ اٹھے، قائد ملت جعفریہ پاکستان

فلسطین میں ظلم کے پہاڑ ٹوٹ گئے، قائد ملت جعفریہ پاکستان آیت اللہ سید ساجد علی نقوی
غزہ میں ننگی جارحیت پر یہودی بھی چیخ اٹھے، قائد ملت جعفریہ پاکستان
راولپنڈی /اسلام آباد25 اکتوبر2023ء (       جعفریہ پریس پاکستان        )قائد ملت جعفریہ پاکستان علامہ سید ساجد علی نقوی کہتے ہیں فلسطین میں ظلم کے پہاڑ ٹوٹ گئے، غزہ میں ننگی جارحیت پر یہودی بھی چیخ اٹھے۔ مگر سامراجیوں اور صہیونی نے غیر انسانی، غیر اخلاقی اور مجرمانہ افعال سے تاحال گریز نہ کیا، جماعتوں/تنظیموں اور تمام گروپوں کے غور کرنے کا معاملہ ہے کہ ایک طرف فلسطینی عوام پر ظلم و موت کی تاریک رات طاری مگر دوسری طرف قاتلوں کے نمائندے پاکستان میںپرسکون موجود ہیں۔پاکستانی عوام مظلوموں کی بھرپو رامداد، اظہار یکجہتی کیساتھ خصوصی دعائیں اور مناجات بھی بجا لائیں۔ ان خیالات کا اظہار انہوںنے تازہ ترین صورتحال اور ہزاروں بچوں ، عورتوں ، بوڑھوں ، جوانوں کی شہادتوں ، تباہی و بربادی اور دربدری پر گہرے صدمے کا اظہار کرتے ہوئے کیا۔ انہوں نے کہاکہ غزہ کی صورتحال پر اقوام متحدہ جیسے ادارے نے اشیائے ضروریہ کے خاتمے کی نہ صرف دہائی دی بلکہ خود عالمی ادارہ صحت نے صہیونی انخلا کی دھمکی کو غیر انسانی و مجرمانہ فعل قراردیا ہے جبکہ ضرورت اس امر کی ہے کہ وہ ممالک جنہیں کم از کم انسانی بنیادوں پر انسانی امدادی راہداری قائم کرنی چاہئیے تھی وہ تک نہ ہوسکی ، فلسطین میں ہر گزرتے دن کیساتھ ظلم کے پہاڑ ٹوٹ رہے ہیں اب تو یہودی بھی چیخ اٹھے کہ ان کے نام پر یہ ظلم یہ بربادی ،یہ انسانیت سوز مظالم اور نسل کشی کا بازار بند کیا جائے مگر افسوس الا امة العربیہ و لااسلامیہ کی طرف سے کوئی ٹھوس اقدام نہ اٹھایا گیا۔ انہوں نے توجہ مبذول کراتے ہوئے کہاکہ ایک طرف مظلوم فلسطینی عوام پر ظلم و موت کی تاریک رات طاری ، سامراج خود صہیونی بغل بچے کی نہ صرف پشت پناہی کیلئے موجود بلکہ ظلم و جبر کو خود آپریٹ کررہاہے تو ایسے میں مظلوم فلسطینی عوام کے قاتلوں کے نمائندوں کو پاکستان میں رہنے کا کوئی جوا زنہیں، فلسطینی اپنی زمینوں اور گھروں سے بے گھر ہوگئے تو ایک اسلامی ملک میں اس کے قاتلوں کے نمائندوں کویہ سہولت حاصل نہیں ہونی چاہیے۔