غیبت کبریٰ کے زمانہ میں علماء حقہ سے متمسک رہنے میں ہماری بقاء ہے۔ (سیدہ سدرہ نقوی مرکزی آرگنائزر جے ایس او طالبات پاکستان)

جعفریہ پریس جھنگ ( ) جعفریہ سٹوڈنٹس آرگنائزیشن طالبات پاکستان کی مرکزی آرگنائزر سیدہ سدرہ نقوی نے۴ مارچ ۲۰۱۵ بروز بدھ جھنگ کے مختلف علاقوں : سیوا سادات ، گڑھ موڑ اور گڑھ مہاراج کے دورہ جات کئے ۔ سیوا سادات میں ایام فاطمیہ کی مناسبت سے مجلس عزا میں شرکت کر کے فضائل و مصائب جناب سیدہ سلام اللہ علیھا بیان کئے اور تنظیمی نشستوں میں شرکت کر کے یونٹ سازی کی۔ اپنے خطاب میں انھوں نے کہا کہ غیبت کبریٰ کا دور بہت سخت ہے علماء حقہ سے متمسک رہنے میں ہی ہماری بقاء ہے کیونکہ کہ علماء انبیاو آئمہ علیھم السلام کے علم کے وارث ہیں ،اس وقت پاکستان میں نمائندہ ولایت فقیہ علامہ سید ساجد علی نقوی مدظلہ العالی کے حکم پر لبیک کہتے ہوئے ملت تشیع کی ترقی کے لئے کوشاں رہنا ہے۔ جعفریہ سٹوڈنٹس آرگنائزیشن طالبات پاکستان کا مقصد ملی پلیٹ فارم پر قوم کی ہونہار طالبات کو جمع کرنا اور مشن زینبیہؑ کا حصہ بنانا ہے۔اپنے دورہ جھنگ میں مرکزی آرگنائزر نے خواہر عندلیب زھراء کو جھنگ ڈویژن کی آرگنائزر نامزد کردیا۔خواہر عندلیب ماسٹرز کی طالبہ علم ہیں اور دینی حوالے سے علاقہ میں اپنی خدمات سرانجام دے رہی ہیں۔