فقط عالمی دن مختص کرنے کی بجائے اقوام متحدہ مظلوموں کیساتھ کھڑی ہو

فقط عالمی دن مختص کرنے کی بجائے اقوام متحدہ مظلوموں کیساتھ کھڑی ہو، قائد ملت جعفریہ پاکستان علامہ ساجد نقوی
گھروں، اسپتالوں کے بعد پناہ گزین کیمپوں کو بھی صیہونیت نے اپنی سفاکیت کا نشانہ بنایا ، اقوام متحدہ سمیت تمام طاقت ور ٹس سے مس نہ ہوئے، گونگلوﺅں سے مٹی جھاڑنے کی بجائے اقوام متحدہ عملی قدم اٹھائے ، قائد ملت جعفریہ پاکستان
 اسلام آباد21جون 2024ء(  جعفریہ پریس پاکستان )قائد ملت جعفریہ پاکستان علامہ سید ساجد علی نقوی کہتے ہیں کہ فلسطینی مظلوموں کا کوئی پرسان حال نہیں ہے، گھروں، اسپتالوں، اشیائے ضروریہ کی دکانوں کے بعد پناہ گزین کیمپوں پر بھی بمباری کرکے نشانہ بنایاگیا ، افسوس اقوام متحدہ مذمتی بیانات اور ایا م منانے تک ہی محدود رہا، بزرگ شہریوں، خواتین، بچوں کا بے دریغ قتل عام کیاگیا مگر عالمی دنیا کے حکمرانوں کیساتھ اقوام متحدہ جیسا ادارہ بھی ٹس سے مس نہ ہوا تو ایسے حالات میں عالمی ایام منانے کا مقصد صرف ”گونگلوﺅں سے مٹی جھاڑنے“کے مترادف ہے۔
ان خیالات کا اظہار قائد ملت جعفریہ پاکستان علامہ سید ساجد علی نقوی نے یکے بعد دیگرے آنیوالے پناہ گزینوں کے عالمی دن اور بیواﺅں کے عالمی دن پر اپنے پیغام میں کیا۔ قائد ملت جعفریہ پاکستان علامہ سید ساجد علی نقوی نے کہاکہ پناہ گزینوں کا عالمی دن اور بیواﺅؒں کےلئے مختص ایام ایسے وقت میں آئے ہیں کہ ہزاروں فلسطینی بچے یتیم و خواتین بیوا ہوئیں ، گھروں ، اسپتالوں، اشیائے ضروریہ کی دکانوں کے بعد پناہ گزین کیمپوں پر بھی بمباری کرکے ان مظلوموں کو نشانہ بنایاگیا، منظم اور سفاکانہ انداز میں نسل کشی کا سلسلہ استعماری و صیہونی جاری رکھے ہوئے ہیں مگر افسوس اقوام متحدہ جیسا ادارہ صرف مذمتی بیانات اور ایام منانے تک ہی محدود رہا، طاقت ور ممالک کے حکمران نہ صرف تماشائی بلکہ استعماریت و صیہونیت کے پشت پناہ بنے ہوئے ہیں ، ایسی صورتحال میں صرف عالمی ایام کو مختص کرنے کا مقصد ”گونگلوﺅں سے مٹی جھاڑنے“کے مترادف ہے ۔ مظلوم فلسطینی عوام کا حق ہے کہ اقوام متحدہ جیسا عالمی ادارہ اور امت مسلمہ صحیح معنوں میں عملی طور پر فلسطینیوں کے ساتھ کھڑی ہو۔