فلسطین و کشمیر استعمار و سامراجی ظلم ،انسانی المیے کا ثبوت ، امن کی راہ میں بڑی رکاوٹ، ساجد نقوی
صہیونیت کوانسانی نسل کشی کی دی جانیوالی کھلی چھوٹ سے نہ روکاگیا تو کل کشمیر میں ہندوتوا بھی ایسی غارت گری کا لائسنس تھماسکتا ہے ،نام نہاد عالمی میڈیا استعمارکا غلام ثابت ہوچکا، قائد ملت جعفریہ پاکستان
راولپنڈی /اسلام آباد27 اکتوبر 2023ء ( )مشرق وسطیٰ میں مسئلہ فلسطین اور جنوبی ایشیا میں مسئلہ کشمیر استعمارو سامراج کے چھوڑے بڑے مسائل جو نہ صرف انسانی المیے بلکہ عالمی امن کی راہ میں بڑی رکاوٹ، آج غزہ میں جس طرح نسل کشی کی جارہی ہے، صہیونیت کو جو کھلی چھوٹ دی جارہی ہے اسے نہ روکاگیا تو کل کشمیر میں ہندوتو ا بھی ایسی غارت غری کا لائسنس تھما سکتا ہے ۔نام نہاد عالمی میڈیا کا گھنائونا کردار کھل کر سامنے آگیا، وہ مظلوموں کی آواز بننے کی بجائے ایک سفاک قاتل کی آداز بن چکا ہے ،عرب لیگ آگے بڑھ کر اور او آئی سی سامنے آکر کر دار ادا کریں ۔
ان خیالات کا اظہار انہوںنے غزہ کی تازہ ترین صورتحال اور 27 اکتوبر 1947ء کو بھارتی افواج کے قبضے کی مناسبت سے یوم سیاہ پر تبصرہ کرتے ہوئے کیا۔ انہوںنے کہاکہ مسئلہ کشمیر اور مسئلہ فلسطین استعمار و سامراج کے جان بوجھ کر چھوڑے گئے مسائل ہیں جو ان کے مذموم مقاصد کی تکمیل اور دائمی بدامنی کیساتھ انسانیت کی بربادی کے منصوبوں کا ثبوت ہیں مگر دونوں خطوں کے عوام داد تحسین کے مستحق کہ وہ تمام قید و بند کی صعوبتوں کیساتھ مظالم کے پہاڑوں کے باوجود ثابت قدم ہیں ۔آج جس طرح نام نہاد دفاع کے نام پر سامراج نے نہ صرف صہیونیت کو نسل کشی کا حق دیدیا بلکہ خود ڈرائیونگ سیٹ پر بیٹھ کر سٹیرنگ سنبھال چکا اورسامراجی پرنٹ ، الیکٹرانک ، سوشل میڈیا غلام کا کردار ادا کرتے ہوئے واویلا مچا رہاہے انسانیت کے قتل عام کا یہی لائسنس کل ہندوتوا کو بھی سامراج تھما سکتا ہے سب سے قابل توجہ بات یہ کہ ظلم و جبر کی تاریک رات کے باوجود فلسطینی عوام اپنی سرزمین پر استقامت کیساتھ نہ صرف کھڑے بلکہ آزادی و قربانی کے ترانوں کیساتھ جذبوں کو جواں رکھے ہوئے ہیںعرب لیگ آگے بڑھ کر اور او آئی سی سامنے آکر کر دار ادا کریں، عرب لیگ ، او آئی سی او ر40ملکوں کی فوج ملا کر تعداد ایک کروڑ تک جاسکتی ہے ۔