(جعفریہ پریس پاکستان ) قائدِ ملت جعفریہ پاکستان علامہ سید ساجد علی نقوی دامت برکاتہ سے شیعہ علماء کونسل پاکستان کے مرکزی سیکرٹری جنرل علامہ ڈاکٹر شبیر حسن میثمی اور مرکزی سیکرٹری اطلاعات زاہد علی آخونزادہ نے ملاقات کی۔ ملاقات میں موجودہ سیاسی مذہبی صورتحال پر تبادلہ خیال کیا گیا۔ قائدِ محترم نے مختلف امور پر رہنمائی فرمائی۔ قائدِ محترم نے ہزاروں سیلاب زدگان کی بے لوث خدمات پر زہرا اکیڈمی پاکستان کی خدمات کو سراہا اور مذید توفیقات کی دعا فرمائی۔ ملاقات میں زاہرین کے موجودہ مسائل کے حل کے لیے مرکزی سیکرٹری جنرل علامہ ڈاکٹر شبیر حسن میثمی کی کاوشوں کو بھی قائد محترم نے سراہا اور زائرین کے مسلے کے مستقل حل کے لیے مذید رہنمائی بھی فرمائی جبکہ انہوں نے موجودہ ملکی صورتحال میں شیعہ علماء کونسل کو عوام کے حقوق کے حصول کے لیے اپنی تگ و دو کو بڑھانے کی بھی ہدایات دیں۔ اس موقع پر شیعہ علماء کونسل پاکستان کے مرکزی سیکرٹری جنرل علامہ ڈاکٹر شبیر حسن میثمی نے قائد ملت جعفریہ پاکستان علامہ سید ساجد علی نقوی دامت برکاتہ کو زہراء اکیڈمی پاکستان کے زیر اہتمام شائع ہونے والی کتب کا تحفہ بھی پیش کیا۔
