قائد ملت جعفریہ پاکستان کی جانب سے مولانا دیدار علی جلبانی اور ان کے محافظ کی شہادت پرشد ید الفاظ میں مذمت اور لواحقین و پسماندگان سے اظہار تعزیت

جعفریہ پریس – قائد ملت جعفریہ پاکستان حضرت آیت اللہ علامہ سید ساجد علی نقوی نے مولانا دیدار علی جلبانی اور ان کے محافظ کو تکفیری دہشت گرد گروہ کی جانب سے فائرنگ کرکے شہید کردینے پرشد ید الفاظ میں مذمت کرتے ہوئے کہا کہ چار ،پانچ روز سے کراچی کی صورتحال انتہائی گھمبیر ہے ۔دہشت گردی کا بازار گرم ہے ۔ کراچی کی عوام عدم تحفظ کا شکار ہے ،قانون نافذ کرنے والے ادراے عوام کو تحفظ فراہم کرنے میں ناکام نظر آرہے ہیں ، ان خیالات کا اظہار قائد ملت جعفریہ پاکستان حضرت آیت اللہ علامہ سید ساجد علی نقوی نے شہید ڈاکٹر سید نسیم عباس کاظمی جو کہ کراچی میں دہشتگردوں کی فائرنگ سے شہید ہوگئے تھے، سورج میانی ملتان میں اْنکے گھر جاکر انکے والد پروفیسر راجن شاہ اور انکے برادران سے تعزیت کی۔ اس موقع پر شیعہ علماء کونسل ملتان کے صدر سید مجاہد عباس گردیزی، ضلعی فنانس سیکرٹری محمد باقر، جعفریہ اسٹوڈنٹس آرگنائزیشن ملتان کے جنرل سیکرٹری ذیشان حیدر، مجاہد حسین، محمد یونس کے علاوہ ایس یو سی اور جے ایس او ملتان کے عہدیداران بھی انکے ہمراہ موجود تھے۔ قائد ملت جعفریہ نے شہید کیلئے فاتحہ خوانی کی اور انکے لواحقین اور پسماندگان کو تعزیت و تسلیت پیش کی۔