راولپنڈی:
قائدِ ملت جعفریہ پاکستان علامہ سید ساجد علی نقوی دامت برکاتہ سے شیعہ علماء کونسل پاکستان کے مرکزی سیکرٹری جنرل علامہ ڈاکٹر شبیر حسن میثمی اور مرکزی سیکرٹری اطلاعات زاہد علی آخونزادہ نے ملاقات کی۔ ملاقات میں حالیہ انتخابات، سیاسی و مذہبی صورتحال اور تنظیمی معاملات پر غور و خوض کیا گیا- اور آئندہ کے لائحہ عمل پر قائد محترم نے رہنمائی فرمائی- قائد محترم نے ملک بھر میں سیاسی و مذہبی سطح پر جدو جہد کو مزید تیز کرنے کی ضرورت پر زور دیتے ہوئے عوامی مسائل کے حل کے لیے تگ و دو میں مزید اضافے کی بھی ہدایت فرمائی جبکہ قائد محترم نے مزید رہنمائی فرماتے ہوئے آئندہ کا لائحہ عمل بھی تشکیل دیا-