مجالس و جلوس کے انعقادکو بلا رکاوٹ آزادی کے ساتھ یقینی بنایا جائے، قائد ملت جعفریہ علامہ ساجد نقوی
علامہ ساجد نقوی کی جانب سے صدر آصف علی زرداری اور وز یر اعظم محمد شہباز شریف کو الگ الگ خطوط ارسال محدودیت سے گریز کیا جائے ، ان ایام میں بجلی کے ترسیلی نظام کو یقینی وموثر بنایا جائے ، قائد ملت جعفریہ
اسلام آبا دا راولپنڈی( جعفریہ پریس پاکستان ) قائد ملت جعفریہ پاکستان علامہ سید ساجد علی نقوی کہتے ہیں کہ ارباب اختیار محرم الحرام میں مجالس محافل اور جلوس ہائے عزا کے انعقاد کوبلا رکاوٹ آزادی کے ساتھ بنانے کے اقدامات جاری کریں محرم و صفر المظفر کے ایام لوڈشیڈنگ فری ایام بھی قرار دیئے جائیں تا کہ نہ صرف عقیدت مند ان شہدائے کربلا کو بھر پور انداز میں خراج عقیدت پیش کر سکیں بلکہ دہشت گردی و تخریب کاری کو نا کام بنانے میں یہ عمل معاون ثابت ہو سکے ان خیالات کا اظہار قائد ملت جعفریہ پاکستان علامہ سید ساجد علی نقوی نے صدر مملکت آصف علی زرداری اور وزیر اعظم محمد شہباز شریف کو الگ الگ خطوط کے ذریعے آمدہ ماہ مقدس محرم الحرام 1446ھ و صفر المظفر کے اہم امور بارے متوجہ کرتے ہوئے کیا۔ انہوں نے مزید کہا کہ پوری دنیا، عالم اسلام کی طرح پاکستان میں بھی تمام مسلمانوں سمیت دیگر مذاہب کے لوگ بلا تفریق مذہب و مسلک امام انسانیت، نواسہ رسول اوران کے رفقا کو اپنے اپنے انداز میں گلہائے عقیدت پیش کرتے ہیں اور ان کی یاد مناتے ہیں ، اس سلسلے میں مختلف انداز میں مجالس، محافل ، جلوس ہائے عزا کا انعقاد ملک کے طول و عرض میں ہوتا ہے انہوں نے متوجہ کرتے ہوئے کہا کہ مجالس محافل، جلوس ہائے عزا کے انعقاد کی بجا آوری یقینی بنائی جائے، یکم محرم تا 10 محرم الحرام میں امام عالی مقام شہدائے کربلا اور فلسفہ کربلا کے حوالے سے الیکٹرانک میڈیا پر خصوصی پروگرامز اور پرنٹ میڈیا پر خصوصی کالمز ، مضامین اور خصوصی ضمیمے (سپیشل ایڈیشنز ) کی سابقہ روایات کو برقرار رکھا جائے اور محمد و دیت سے گریز کیا جائے ان ایام میں بجلی کے ترسیلی نظام کو یقینی و موثر بنایا جائے تا کہ ایک طرف عقیدت مندان شہدائے کربلا کو بھر پور انداز میں جہاں خراج تحسین پیش کر سکیں وہیں دہشتگردوں اور تخریب کاروں کے مذموم مقاصد کو بھی نا کام بنانے میں یہ عمل معاون ثابت ہو سکے۔