نمائندہ ولی فقیہ علامہ سید ساجد علی نقوی کی زیر صدارت جے ایس اومجلس نظارت کا اجلاس

جعفریہ پریس – فیصل آباد میں جعفریہ اسٹوڈنٹس آرگنائزیشن کا نواں سالانہ مرکزی کنونشن، تعمیر سیرت و ارتقاء پاکستان کے عنوان کے تحت جاری ہے۔ مرکزی کنونشن میں نمائندہ ولی فقیہ قائد ملت جعفریہ پاکستان حضرت آیت اللہ علامہ سید ساجد علی نقوی بھی کل رات سے موجود ہیں اورآج ملک بھر سے آئے ہوئے جعفریہ طلبہ سے خطاب کریں گے۔ موصولہ رپورٹ کے مطابق جے ایس او مرکزی کنونشن کے موقع پر نمائندہ ولی فقیہ علامہ سید ساجد علی نقوی کی زیر صدارت مجلس نظارت کا اجلاس منقعد ہوا، نظارت کے اجلاس میں مرکزی  سیکریٹری جنرل شیعہ علما کونسل پاکستان علامہ عارف حسین واحدی ، شیعہ علما کونسل پاکستان خبیر پختوں خواہ کے صدرعلامہ محمد رمضان توقیر صدر،علامہ فرحت عباس جوادی ، علامہ اسد اقبال زیدی قمی ،بردار منور ساجدی، بردار الطاف کاظمی ودیگرتنظیمی اراکین مجلس نظارت وعلماء کرام نے شرکت کی۔  کنونشن کے آخری روز جے ایس او کے نئے میر کارواں کا انتخاب بھی عمل میں آئے گا اور تنظیم کے نئے سال کا آغاز ہو گا۔