اسلامی تحریک پاکستان کے سربراہ اور قائد ملت جعفریہ پاکستان علامہ سید ساجد علی نقوی (دامت برکاتہ) سے گلگت بلتستان کے وزیر اعلیٰ حاجی گلبر خان اور سابق گورنر جی بی راجہ جلال حسین مقپون نے ملاقات کی۔ ملاقات میں جی بی کے وزیر انڈسٹریز اینڈ ڈیزاسٹر منیجمنٹ محمد علی قائد، اسلامی تحریک پاکستان کے ممبر جی بی اسمبلی محمد ایوب وزیری، اسلامی تحریک پاکستان کے مرکزی سیکرٹری اطلاعات زاہد علی آخونزادہ, مرکزی ڈپٹی سیکرٹری سید سکندر عباس گیلانی اور سابق چیئرمین چیمبر آف کامرس اینڈ انڈسٹریز نگر عباس علی بھی موجود تھے۔
ملاقات میں وزیر اعلیٰ جی بی حاجی گلبر خان نے اسلامی تحریک پاکستان کے اشتراک عمل میں انکی حکومت کی جانب سے گلگت بلتستان میں امن و امان کی صورتحال سمیت ترقیاتی کام اور دیگر اقدامات سے قائد ملت جعفریہ علامہ سید ساجد علی نقوی کو آگاہ کیا۔ جس کو انہوں نے سراہا اور عوام حقوق کے لیے مذید اقدامات کی رہنمائی کرتے ہوئے جی بی کی تعمیر و ترقی میں موجودہ حکومت اور اسلامی تحریک پاکستان کے کردار کو مذید موثر بنا کر عوامی خدمات بھرپور انداز میں ادا کرنے کی امید ظاہر کی۔
ملاقات میں وزیر اعلی حاجی گلبر خان اور سابق گورنر راجہ جلال حسین نے قائد ملت جعفریہ پاکستان علامہ سید ساجد علی نقوی کی قیادت میں جی بی میں امن و امان کے لیے کردار کو سراہا اور اسلامی تحریک پاکستان کے مرکزی سیکرٹری جنرل علامہ ڈاکٹر شبیر حسن میثمی اور انکی ٹیم کی جانب سے جی بی میں مسلسل سیاسی و مذہبی تحرک اور کردار کو مثالی قرار دیا۔ انہوں نے مستقبل میں اسلامی تحریک پاکستان کے اسی موثر کردار کو آگے بڑھانے کی اپیل بھی کی۔
دونوں رہنماؤں نے اسلامی تحریک پاکستان کے مرکزی سیکرٹری جنرل علامہ ڈاکٹر شبیر حسن میثمی سے مشاورت کے بعد مستقبل میں جی بی کے لائحہ عمل کو آگے بڑھانے کا بھی عزم ظاہر۔ ملاقات میں جی میں امن و امان کے اقدامات سمیت لینڈ ریفارمز، ٹورازم، انٹرنیشنل فلائٹس سمیت انفراسٹرکچر کو موثر اور دیرپا بنانے کی تجاویز پر بھی تبادلہ خیال کیا گیا۔
