کراچی دوران احتجاج گرفتار افراد کو انصاف فراہم کیا جائے شیعہ علماء کونسل پاکستان

کراچی، پاکستان: سیکرٹری جنرل شیعہ علماء کونسل پاکستان علامہ ڈاکٹر شبیر حسن میثمی کی صوبائی وزیر سید ناصر حسین شاہ اور سینیٹر وقار مھدی سے وفد کے ہمراہ اہم ملاقات حالیہ کراچی میں ہونے والے واقعات کے حوالے سے تفصیلی گفت و شنید ہوئی بالخصوص گرفتار افراد اور شہداء کی فیملیز کو انصاف کے موضوع زیر غور رہے، صوبائی منسٹر نے قائد ملت جعفریہ پاکستان آیت اللہ سید ساجد علی نقوی دامت برکاتہ اور شیعہ علماء کونسل پاکستان کے سنجیدہ اور با بصیرت اقدامات پر خراج تحسین بھی پیش کیا اور یقین دہانی کرائی کہ ہم اعلی حکام اور پارٹی قیادت تک بات کر کے بیگناہوں کو انصاف دلانے میں عملی کردار ادا کریں گے، بعد ازاں سیکرٹری جنرل کی تشریف آوری پر سید ناصر حسین شاہ نے شکریہ بھی ادا کیا۔ وفد میں صوبائی صدر شیعہ علماء کونسل سندھ علامہ سید اسد اقبال زیدی، مرکزی نائب صدر حسنین مہدی، رہنماء شیعہ علماء کونسل پاکستان جناب سرور بھائی، محترم علی محمد بخاری، رفعت عباس زیدی و دیگر رفقاء بھی ہمراہ تھے ۔