کل روز جمعہ ملک بھر میں یوم احتجاج منایا جائے گا دفتر قائد ملت جعفریہ

دفترقائد ملت جعفریہ پاکستان کے اعلان کے مطابق سہ روزہ سوگ کے بعد یوم جمعہ کو ملک گیرپرامن یو م احتجا ج
 شہید سید حسن نصرا۔۔ سمیت تمام شہدا کی بلندی درجات کیلئے خصوصی دعائوں کا  اہتمام کیا جائیگا
خطبات جمعہ اور احتجاج میں مسئلہ فلسطین و مشرق وسطیٰ کو اجاگر کیا جائے، دفترقائد ملت جعفریہ
مظلوم فلسطینی ، لبنانی عوام کیساتھ بھرپور اظہار یکجہتی اور سامراجی اسرائیلی سفاکیت کی بھرپور مذمت کی جائے گی
اسلام آباد/راولپنڈی 03 اکتوبر2024ء  (     جعفریہ پریس پاکستان     ) دفترقائد ملت جعفریہ پاکستان علامہ سید ساجد علی نقوی  کے اعلان کے مطابق حزب ا۔۔ہ کے سربراہ حجةالاسلام والمسلمین شہید سید حسن نصرا۔۔ہ  و دیگر ساتھی شہداکی شہادت پر سہ روزہ سوگ کے بعد آج بروزجمعہ ملک گیرپرامن یو م احتجا ج  ہوگا، ملک بھر میں شہید سید حسن نصرا۔۔ سمیت تمام شہدا کی بلندی درجات کیلئے خصوصی دعائوں کا  اہتمام ،خطبات جمعہ اور احتجاج میں مسئلہ فلسطین و مشرق وسطیٰ کو اجاگر کرتے ہوئے مظلوم فلسطینی ، لبنانی عوام کیساتھ بھرپور اظہار یکجہتی اور سامراجی اسرائیلی سفاکیت کی بھرپور مذمت کی جائے گی۔
دفترقائدملت جعفریہ پاکستان علامہ سید ساجد علی نقوی نے تاکید کی ہے کہ اجتماعات جمعہ، خطبات جمعہ میں جہاں مشرق وسطیٰ کی تازہ ترین صورتحال کو اجاگر کیا جائے وہیں مسئلہ فلسطین کی اہمیت بھی پیش نظر رہے۔ یوم جمعہ کو پرامن ریلیوں کے انعقاد کے حوالے سے مظلوم فلسطینی و لبنانی عوام سے بھرپور اظہار یکجہتی پرامن انداز میں کیا جائے گا اور اسرائیلی سفاکیت و درندگی کی شدید الفاظ میں مذمت کی جائے گی ۔ اسرائیل اس صدی کا سب سے بڑا ناسور، ناجائز ریاست ہے جس کے وقت گزرنے کے ساتھ ساتھ مضراثرات دنیا پر مرتب ہورہے ہیں اگر اس کا ہاتھ نہ روکاگیا تو پھر دنیا میں قیام امن صرف خواب رہے گا۔