یوم حسین (ع) منعقد کرنے کے جرم میں 5 شیعہ طلباء کے خلاف ایف آئی آر درج،شیعہ علماء کونسل کا طلباء کے کیسز کی پیروی کیلئے وکلاء سے رابطہ

جعفریہ پریس-  قراقرم انٹرنیشل یونیورسٹی کی متعصب انتظامیہ نے وائس چانسلر ڈاکٹر نجمہ نجم کی ہدایت پر 5 شیعہ طلباء پر دفعہ 144 کی خلاف ورزی اور یونیورسٹی انتظامیہ کو ہراساں کرنے کے بے بنیاد جھوٹے الزمات عائد کرتے ہوئے کینٹ تھانہ گلگت میں ایف آئی آر درج کرادی ہے۔ جعفریہ پریس کے نمائندے کی رپورٹ کے مطابق جن شیعہ طلباء کو ایف آئی آر میں نامز د کیا گیا ہے ان میں جے ایس او جامعہ قراقرم یونٹ کے صدر سید وقار رضوی، آئی ایس او گلگت ڈویژن کے صدر ایوب انصاری،  جمال حیدر ، شیر محمد اور ایک طالب علم شامل ہے۔  قراقرم انٹرنیشل یونیورسٹی انتظامیہ اور وائس چانسلر کے متعصب  رویہ پر شیعہ تنظیموں نے ان شر انگیز اقدامات کی شدید مذمت کرتے ہوئے بھر پور مزاحمت کا اعلان کیا ہے۔ رپورٹ کے مطابق شیعہ علماء کونسل کے صوبائی سیکرٹریٹ گلگت میں علامہ شیخ مرزا علی کی زیر صدارت منعقد ہونے والے اجلاس میں طلباء کے کیسز کی پیروی کیلئے وکلاء سے قانونی مشاورت کی گئی جبکہ جمعہ کو بلتستان اور گلگت میں پر امن احتجاج کا بھی اعلان کیا گیا ہے۔ دیگر تنظیموں نے بھی شیعہ علماء کونسل کیساتھ ملکر یونیورسٹی انتظامیہ کیخلاف قانونی چارہ جوئی کا اعلان کیا ہے۔