قائد ملت کی اپیل پر جمعۃ الوداع یوم القدس کے عنوان سے منایا جائے گا علامہ شبیر میثمی

قائد ملت جعفریہ علامہ ساجد نقوی  کی اپیل پر ملک بھر میں کل یوم القدس منایا جائیگا، علامہ شبیر میثمی
قبلہ اول کی آزادی اور مظلوم غزہ وفلسطینی عوام سے اظہار یکجہتی کیلئے ملک کے چپے چپے سے آواز بلند ہوگی، تمام تیاریاں مکمل
 مظلوم فلسطینی عوام سے اظہار یکجہتی کیلئے بعد از نماز جمعہ پرامن قدس ریلیاں نکالی جائیں گی، مرکزی سیکرٹری جنرل شیعہ علماء کونسل
 
راولپنڈی / اسلام آباد4اپریل 2024ء (      جعفریہ پریس پاکستان        ) قائد ملت جعفریہ پاکستان علامہ سید ساجد علی نقوی کی اپیل پر ملک بھر میں آج یوم القدس منایا جائیگا ،مرکزی القدس کمیٹی نے یوم القدس کے سلسلے میں تیاریا ں مکمل کرلیں ، ملک بھر کی بڑی شاہراہوں اور شہروں سے لے کر قصبوں اور دیہاتوں تک اظہار یکجہتی کے پرچم، پینا فلیکس، بینرز، پوسٹرز آویزاں کردیئے گئے،مرکزی سیکرٹری جنرل شیعہ علماء کونسل علامہ شبیر حسن میثمی کہتے ہیں مظلوم فلسطینی و غزہ کی عوام سے اظہار یکجہتی اوریوم القدس کی آزادی کیلئے بعد از نماز جمعہ شیعہ علماء کونسل پاکستان ،جے ایس او اور دیگر تنظیموں کی جانب سے ملک بھر میں پرامن احتجاجی قدس ریلیاںنکالی جائیں گی ۔ علامہ شبیر حسن میثمی نے کہاکہ قائد ملت جعفریہ پاکستان علامہ سید ساجد علی نقوی کی اپیل پرملک بھر میں آج جمعہ کے روز مظلوم فلسطینی عوام سے اظہار یکجہتی اور قبلہ اول کی صیہونی تسلط سے آزادی کیلئے احتجاجی ریلیوں، سیمینارز اور مختلف تقاریب کے انعقاد کے سلسلے میں انتظامات مکمل کرلئے گئے ہیں ۔ مرکزی سیکرٹری جنرل شیعہ علماء کونسل علامہ شبیر حسن میثمی کہتے ہیں آج فلسطینی عوام سے بھرپور اظہار یکجہتی ، ظلم کے خلاف آواز بلند کرنے اور اسرائیل و اس کے حواریوں کیخلاف کلمہ حق کہنے کا یوم تجدید عہد ہے ، آج ملک بھر میں تمام صوبائی دارالحکومتوں،ڈویژن،اضلاع،تحصیل ،گائوں بشمول گلگت بلتستان تا کشمیر اور ملک کے چپے چپے سے عوام اپنے مظلوم بھائیوں کی حمایت میں نکلیں گے ۔ انہوںنے کہاکہ مظلوم فلسطینی و کشمیری بھائیوں سے اظہار یکجہتی اور قبلہ اول کی صیہونی تسلط سے آزادی کیلئے احتجاجی ریلیوں میں بھی عوام بھرپور طریقے سے شرکت یقینی بنائیں۔ انہوںنے کہاکہ جب تک عالمی ضمیر بیدار نہیں ہوگا اور قبلہ اول کی آزای اور مظلوم فلسطینیوں کو ان کا حق نہیں دیا جائیگا ہمارا یہ احتجاج جاری رہے گا۔