• رمضان المبارک 1445ھ کی مناسبت سے علامہ ڈاکٹر شبیر حسن میثمی کا خصوصی پیغام
  • علامہ رمضان توقیر سے علامہ آصف حسینی کی ملاقات
  • علامہ عارف حسین واحدی سے علماء کے وفد کی ملاقات
  • حساس نوعیت کے فیصلے پر سپریم کورٹ مزیدوضاحت جاری کرے ترجمان قائد ملت جعفریہ پاکستان
  • علامہ شبیر میثمی کی زیر صدارت یوم القد س کے انعقاد بارے مشاورتی اجلاس منعقد
  • برسی شہدائے سیہون شریف کا چھٹا اجتماع ہزاروں افراد شریک
  • اعلامیہ اسلامی تحریک پاکستان برائے عام انتخابات 2024
  • ھیئت آئمہ مساجد و علمائے امامیہ پاکستان کی جانب سے مجلس ترحیم
  • اسلامی تحریک پاکستان کے سیاسی سیل کا اجلاس اسلام آباد میں منعقد ہوا
  • مولانا امداد گھلو شیعہ علماء کونسل پاکستان جنوبی پنجاب کے صدر منتخب

تازه خبریں

آج جے ایس او پاکستان کے جوان پورے ملک میں نوجوانوں کی بیداری میں اہم کردار ادا کر رہے ہیں، سکندر گیلانی

جعفریہ پریس- جعفریہ اسٹوڈنٹس آرگنائزیشن پاکستان کے جوان ہمارا قیمتی اثاثہ ہیں، آپ طلبہ سے ہماری امیدیں وابستہ ہیں، اس ملک کی تقدیر اور اس کی ترقی کا دارومدار آپ طلبہ ہی کے مرہون منت ہوگا۔ آپ کو چاہیے کہ آپ اپنے آپ کو تعلیمی میدانوں کے شہسوار بنائیں اور تعلیم کے ہر شعبہ میں نمایاں کارکردگی انجام دینے والے جے ایس او پاکستان کے طلباء ہونے چاہیے۔ ان خیالات کا اظہار قائد ملت جعفریہ علامہ سید ساجد علی نقوی کے پرنسپل سیکرٹری نے جعفریہ اسٹوڈنٹس آرگنائزیشن پاکستان کے مرکزی صدر ساجد علی ثمر اور سینیئر نائب صدر عبداللہ رضا سے ملاقات میں کیا۔ ان کا کہنا تھا کہ آج ملک انتہائی نازک دور سے گزر رہا ہے۔ ملکی اور بین الاقوامی سطح پر پاکستان کو ختم کرنے کی سازشیں ہو رہی ہیں، لیکن ہم اہل تشیع نے ہی اس ملک کو بنانے میں کلیدی کردار ادا کیا تھا اور آج بھی ہم اس کو بچانے کے لیے اپنے تن، من، دھن کی بازی لگا دیں گے۔ انہوں نے مزید کہا کہ دشمن اگر یہ سمجھتا ہے کہ ہم نے اس ملک کے نوجوان طبقہ کو گمراہ کر لیا ہے تو یہ اس کی بھول ہے۔ آج جے ایس او پاکستان کے جوان پورے ملک میں نوجوانوں کی بیداری میں اہم کردار ادا کر رہے ہیں اور مرکز کی طرف سے دیئے گئے پیغامات کو عوام الناس تک پہنچانے کا اہم ذریعہ ہیں۔ آپ اپنے نوجوانوں کو اس طرح تیار کریں کہ ملک کی اہم پوسٹوں پر جے ایس او کا تربیت یافتہ نوجوان نظر آنا چاہیے۔