زائرین اربعین حسینی ؑکے حوالے سے این سی اوسی نوٹیفکیشن پر شیعہ علماءکونسل پاکستان کو تحفظات
سخت ترین شرائط کے ساتھ زائرین کربلا کی انتہائی قلیل تعداد کو اجازت دینا باعث تشویش ہے، علامہ عارف واحدی
حکومت بین الاقوامی مسافروں اور مہمانوں کی طرح زائرین کو بھی یکساں سہولیات فراہم کرے، رہنما شیعہ علماءکونسل پاکستان
اسلام آباد20 ستمبر2021ء (جعفریہ پریس ) شیعہ علماءکونسل پاکستان کی جانب سے زائرین اربعین حسینی ؑ کے حوالے سے جاری کئے گئے این سی او سی نوٹیفکیشن پر تحفظات کا اظہار کردیا، مرکزی رہنما شیعہ علماءکونسل علامہ عارف حسین واحدی کہتے ہیں حکومت بین الاقوامی مہمانوں کی طرح زائرین کو بھی یکساں سہولیات فراہم کرے، سخت ترین شرائط کے ساتھ زائرین کربلا کو انتہائی قلیل تعداد کو اجازت دینا باعث تشویش ہے، حکومت اپنے اقدامات پر نظر ثانی کرے۔
ان خیالات کا اظہار انہوں نے این سی او سی کی جانب سے اربعین حسینی ؑ کے موقع پر زائرین کو سخت ترین شرائط کے ساتھ جاری کئے گئے نوٹیفکیشن پر رد عمل دیتے ہوئے کیا۔ علامہ عارف حسین واحدی نے کہاکہ جب عراقی حکومت کی جانب سے پاکستان کےلئے5000 ہزار زائرین کا کوٹہ مختص کیاگیاہے تو پھر صرف 1300 سے 1500 زائرین تک ہی کیوں محدود کیاگیاہے، عوام کی بڑی تعداد امام عالی مقام اور ا ن کے جانثارو ں کا چہلم منانے کربلا جانا چاہتی ہے ۔ انہوںنے کہاکہ صرف ایک ہفتے کے مختصر ترین دورانیہ کےلئے بھی کڑی ترین شرائط عائد کردی گئی ہیں جبکہ تفتان بارڈر کی بجائے صرف ہوائی سفر کے ذریعے ہی زائرین کو جانے کی اجازت دی گئی ہے ۔ ویکسینیٹڈ زائرین کو ملک روانگی سے قبل 24گھنٹے لازمی قرنطینہ کے ساتھ ائر پورٹ پر RAT لازمی جبکہ واپسی پر 48گھنٹے کے دوران RT PCR ٹیسٹ نیگیٹیو ہونا لازمی قرار دیاگیاہے اور ٹیسٹ پازیٹو آنے کی صورت میں 10روز کا قرنطینہ کرنے کا نوٹیفکیشن جاری کیاگیا جبکہ دیگر ملکوں سے آنیوالے بین الاقوامی مسافروں اور مہمانوںکےلئے ایسی کوئی شرط نہیں ہے جوکہ سراسرزائرین کے ساتھ ناروا سلوک کے ساتھ زیادتی ہے۔ ہم ارباب اختیار سے مطالبہ کرتے ہیں کہ وہ زائرین کربلا کے ساتھ بھی ویسا ہی یکساں برتاﺅ برتیں جیسا دیگر بین الاقوامی مہمانوں کے ساتھ کیا جارہاہے۔ قائد ملت جعفریہ پاکستان علامہ سید ساجد علی نقوی کی ہدایت پرہم نے کورونا ایس او پیز پر عملدرآمد کے حوالے سے اپنا کردار ادا کیا جبکہ ویکسی نیشن مہم کے حوالے سے بھی فضا کوبہتر بنانے میں اپنا کردار ادا کیا مگر افسوس اس کے باوجود زائرین اربعین حسینی ؑ کے کوٹے کو نہ صرف کم کیاگیا بلکہ ان کےلئے نئی مشکلات کھڑی کردی گئیں، ایک طرف کورونا وباکی کمی تودوسری جانب اس طرح کے متضاداقدامات سے ملک کی بین الاقوامی سطح پر بدنامی ہوگی لہٰذا ارباب اختیار اس نوٹیفکیشن کو واپس لیں۔
- اسلامی تحریک کے زیر اہتمام ملی یکجہتی کونسل کا اجلاس قائد ملت جعفریہ کی خصوصی شرکت
- علامہ شبیر میثمی سے مولانا عبد الخبیر آزاد کی ملاقات
- علامہ شبیر میثمی کی تہران میں منعقدہ کانفرنس میں شرکت
- محمد اکبر جعفریہ اسٹوڈنٹس آرگنائزیشن پاکستان کے مرکزی صدر منتخب
- علامہ شبیر میثمی کی الصادق انسٹیٹیوٹ کے تحت منعقدہ کی تقریب میں شرکت
- علامہ اقبال ؒ نے ہمیشہ مغرب کے دہرے معیار سے امت کو خبردار کیا
- علامہ گلاب شاہ نقوی کی قومی و ملی خدمات کو یاد رکھا جائیگا
- سکیورٹی فورسز پر حملوں کی مذمت کرتے ہیں علامہ شبیر حسن میثمی
- شیعہ علماء کونسل پاکستان کے وفد کی مولانا طارق جمیل سے ملاقات
- علامہ شبیر میثمی کی زاہد علی اخونزادہ کے ہمراہ چیئرمین رویت ہلال کمیٹی سے ملاقات