بھارتی فوجیوں نے ریاستی دہشت گردی کی تازہ کارروائی میں3 کشمیری نوجوانوں کو شہید کر دیا

غیر قانونی طور پر بھارت کے زیر قبضہ جموں و کشمیر میں بھارتی فوجیوں نے اپنی ریاستی دہشت گردی کی تازہ کارروائی کے دوران ضلع بارہمولہ میں 3اور کشمیری نوجوانوں کوشہید کردیا۔
کشمیرمیڈیاسروس کے مطابق فوجیوں نے نوجوانوں کو ضلع کے علاقے کمل کوٹ میں ایک پرتشدد کارروائی کے دوران شہید کیا۔ آخری اطلاعات ملنے تک علاقے میں فوجی کارروائی جاری تھی ۔ بھارتی فوجیوں نے ضلع بانڈی پورہ میں2کشمیری نوجوانوں کو گرفتار کرلیا ۔فوجیوں نے محمد یوسف اور منظور احمد نامی نوجوانوں کو ضلع کے علاقے پیتھ کوٹ میں تلاشی اور محاصرے کی کارروائی کے دوران گرفتار کیا۔ بھارتی فوجیوں ، پیراملٹری فورس اور خفیہ ایجنسیوں کے اہلکاروں نے سرینگر، کپواڑہ، بارہمولہ، بڈگام، پلوامہ، اسلام آباد، شوپیاں، کولگام، رام بن، کشتواڑ، ڈوڈہ، راجوری، پونچھ، کٹھوعہ اور سانبہ اضلاع کے مختلف علاقوں میں تلاشی کی جاری کارروائیوں کے دوران گھروں پر چھاپے مارے ۔