علامہ شبیر حسن میثمی سے نوجوانوں کی ملاقات

مرکزی سیکرٹری جنرل شیعہ علماء کونسل پاکستان علامہ ڈاکٹر شبیر حسن میثمی کی رہائشگاہ پر جعفریہ اسٹوڈنٹس آرگنائزیشن راولپنڈی ڈویژن کے جوانوں کے اعزاز میں کامیاب حمایت مظلومین ریلی کے انعقاد پر مرکزی سیکرٹری جنرل کی جانب سے افطار پارٹی کا پروگرام منعقد ہوا جس میں مرکزی سیکرٹری اطلاعات زاہد علی آخونزادہ مولانا فیاض حسین مطھری و دیگر مرکزی و ڈویژنل ذمہ داران بھی موجود تھے، مرکزی سیکرٹری جنرل نے جوانوں سے خطاب کرتے ہوئے فرمایا کہ ہم اللہ تعالٰی کی رضا کے خاطر مظلوم مسلمانوں سے اظہار یکجہتی کیلئے آواز بلند کرتے آرہے ہیں اور کرتے رہیں گے اور یہی سیرت معصومین علیہم السلام بھی ہے کہ ہر ظالم کے مخالف رہیں اور ہر مظلوم کے حامی و مدد گار رہیں، آپ جوانوں کی کوششیں قابل قدر اور لائق تحسین ہیں اسی جذبے لگن اور بلند حوصلے کے ساتھ تسلسل قائم رکھیں، اللہ تعالٰی آپکا حامی و ناصر ہو والسلام ۔