قائد ملت جعفریہ پاکستان آیت اللہ سید ساجد علی نقوی کی علامہ سید احمد الاشکوری سے خصوصی ملاقات، علمی و فکری نشست میں شرکت
اسلام آباد: قائد ملت جعفریہ پاکستان آیت اللہ سید ساجد علی نقوی نے جامعۃ الکوثر اسلام آباد میں نجف اشرف کے ممتاز عالم دین، استادِ درسِ خارج اور علمی و تبلیغی سرگرمیوں سے وابستہ علامہ سید احمد الاشکوری سے خصوصی ملاقات کی۔ اس موقع پر منعقدہ علمی و فکری نشست میں بھی آیت اللہ سید ساجد علی نقوی نے شرکت کی۔
ملاقات اور نشست کے دوران علمی و فکری موضوعات، دینی تعلیم و تحقیق، حوزہ ہائے علمیہ کے علمی کردار، عصر حاضر کے تقاضوں اور امت مسلمہ کو درپیش مسائل کے حوالے سے تبادلہ خیال کیا گیا۔
