برسی شہدائے سیہون شریف کے اجتماع سے قائد ملت جعفریہ کا ٹیلیفونک خطاب

سانحہ درگاہ لال شہباز قلندر کی 8 ویں برسی کے اجتماع سے قائد ملت جعفریہ پاکستان آیت اللہ سید ساجد علی نقوی نے ٹیلیفونک خطاب کرتے ہوئے شرکاء صوبائی منتظمین اور مرکزی سیکرٹری جنرل کی کاوشوں کو سراہا اور بنیادی حقوق کے تحفظ کی جدوجہد کو جاری رکھنے کا عزم کیا ان کا کہنا تھا کہ ہمارے اہداف اعلی و ارفع ہیں ان میں سے بنیادی ہدف بنیادی حقوق کا تحفظ اور ان کا حصول ہے

قائد ملت جعفریہ پاکستان نے کہا کہ عالمی مزاحمتی تحریکوں کی حمایت جاری رکھیں گے ہم ماضی میں بھی ان تحریکوں کے حامی رہے ہیں او آئندہ بھی ان کی حمایت کرتے رہینگے ان کا کہنا تھا کہ غزہ جیت گیا اور عالمی اسکتبار اور صیہونیت ہار گئی

قائد ملت جعفریہ پاکستان آیت اللہ سید ساجد علی نقوی نے کہا کہ نظام میں خرابی ہے بگاڑ ہے جس کی وجہ سے بنیادی حقوق سلب ہورہے ہیں یہ اجتماع ان لوگوں تک پیغام پہنچائے گا جو اس بگاڑ کے ذمہ دار ہیں اور اس خرابی کو دیکھ رہے ہیں

ہم اصلاح کرنے والے لوگ ہیں اور ہم نظام کی اصلاح کی جدوجہد کو جاری رکھیں گے
انہوں نے اجتماع میں شریک عوام صوبہ سندھ کے تنظیمی کارکنان صوبے بھر سے شریک تنظیمی عہدیداروں کا شکریہ ادا کیا اور جدوجہد کے اس سلسلے کو جاری رکھنے پر تاکید کی ساتھ ہی اتحاد بین المسلمین کے لئے مزید بہتر انداز میں کام کرنے کے عمل پر بھی تاکید کی