جعفریہ پریس – علماء وطلباء پنجاب مشہد مقدس کی پہلی نشست دفتر نمائندہ ولی فقیہ وقائد ملت جعفریہ پاکستان حضرت آیت اللہ علامہ سید ساجد علی نقوی مشہد مقدس میں کی گئی جس میں تقریبا ۵۵ اراکین پنجاب نے شرکت کی- جعفریہ پریس کے نمائند ے کی رپورٹ کے مطابق علماء وطلباء پنجاب مشہد مقدس کی پہلی نشست میں دفتر شعبہ مشہد مقدس کے سابقہ مسئول محترم مولانا نثار حسین مہدوی، مولانا سید تحریرعلی نقوی ، مولانا سید موسی رضا نقوی ، مولانا عبد القیوم سعیدی ،مولانا الفت حسین ساقی، مولانا سید عمران حیدر نقوی(نایب صدر شعبہ مشہد ) اورمولانا سید انیس الحسن نقوی نے شرکت فرمائی جبکہ پنجاب کی تمام ڈویژنز سے تعلق رکھنے والے طلباء و علماء کرام نے بھی شرکت کی۔
علماء وطلباء پنجاب مشہد مقدس کی پہلی نشست میں کئی امور پرغور و خوض کیا گیا اور تمام علماء کرام نے قائد ملت جعفریہ پاکستان حضرت آیت اللہ علامہ سید ساجد علی نقوی کی مدبرانہ حکمت عملی اور با بصیرت قیادت پر مکمل اعتماد کرتے ہوئے ان کےساتھ تجدید عہد ووفا کیا اور کہا کہ جب تک جان میں جان ہے ہم ہر وقت اپنے محبوب قائد کے ہر حکم و اشارے پر لبیک کہتے رہیں گے-
اس نشست میں نمائندہ قائد ملت جعفریہ پاکستان و دفتر مشہد مقدس کے مہتمم عالیجناب مولانا وحید علی ساجدی نے تمام علماء وطلباء پنجاب مشہد مقدس کو دفتر میں پروگرم منعقد کرنے پر خوش آمدید کہا اور دفتر کے ساتھ بھرپور تعاون پر شکریہ ادا کیا-