لاہور :۔ 11 نومبر 2021 شیعہ علماء کونسل پاکستان کے وفد کی جامعۃ المنتظر آمد
شیعہ علماء کونسل پاکستان کے مرکزی وفد نے مرکزی سیکرٹری جنرل علامہ شبیر حسن میثمی کی سربراہی میں جامعتہ المنتظر میں حضرت آیت اللہ حافظ ریاض حسین نجفی دامت برکاتہ سے ملاقات کی۔ وفد میں مرکزی نائب صدر علامہ سید سبطین سبزواری، ایڈیشنل سیکرٹری جنرل علامہ سید ناظر عباس تقوی، مرکزی رہنماء حافظ سید کاظم حسین، مرکزی سیکرٹری اطلاعات زاہد علی آخونزادہ اور ڈویژنل صدر قاسم علی قاسمی شامل تھے، ملاقات میں جامعتہ المنتظر کے منتظم اعلی علامہ افضل حیدری، سید مرید حسین نقوی اور علامہ نصرت شہانی بھی موجود تھے۔
اکابرین قوم نے قومی معاملات پر تبادلہ خیال کیا اور حضرت آیت اللہ حافظ ریاض حسین نجفی دامت برکاتہ نے قومی پلیٹ فارم کی تاریخی خدمات کے تناظر میں مستقبل میں قومی مسائل کے حل کے حوالے سے اکابرین قوم کی رہنمائی بھی فرمائی۔
