• تعلیم یافتہ نسل ، ملک و قوم کی ترقی کی ضمانت ہے، علامہ ڈاکٹر شبیرحسن میثمی
  • کوئٹہ میں ہونے والی دہشتگردی کی مذمت کرتے ہیں شیعہ علماء کونسل پاکستان
  • علامہ شبیر حسن میثمی کا علامہ سید علی حسین مدنی کے کتابخانہ کا دورہ
  • مفتی رفیع عثمانی کی وفات سے علمی حلقوں میں خلاء پیدا ہوا علامہ شبیر حسن میثمی
  • مسئول شعبہ خدمت زائرین ناصر انقلابی کا دورہ پاکستان
  • علامہ عارف واحدی کا سید وزارت حسین نقوی اور شہید انور علی آخوندزادہ کو خراجِ تحسین / دونوں عظیم شخصیات قومی سرمایہ تھیں
  • علامہ شبیر میثمی کی وفد کے ہمراہ علامہ افتخار نقوی سے ملاقات
  • شیعہ علماء کونسل پاکستان کے وفد کی مفتی رفیع عثمانی کے فرزند سے والد کی تعزیت
  • سید ذیشان حیدر بخاری متحدہ طلباء محاذ کے مرکزی جنرل سیکرٹری منتخب ہوئے ۔
  • شیعہ علماء کونسل پاکستان کے اعلی سطحی وفد کی پرنسپل سیکرٹری وزیر اعظم پاکستان سے تعزیت

تازه خبریں

عقیدت وعقائد پرمبنی قصائد کواس قسم کے مارننگ پروگرام میں پیش کرنا لوگوں کے مذہبی جذبات کومجروح کرنے کے مترادف ہے، چینل کے ذمہ داران پوری قوم سے معذرت کریں

جعفریہ پریس – قائد ملت جعفریہ پاکستان حضرت آیت اللہ علامہ سید ساجد علی نقوی کے ترجمان نے کہا  ہے کہ لوگوں کی عقیدت و عقائد پر مبنی قصائد کو اس قسم کے پروگراموں میں پیش کرنا لوگوں کے مذہبی جذبات کو مجروح کرنے کے مترادف ہے، مذکورہ چینل کے ذمہ داران اس جسارت پر قوم سے معذرت کریں اور یقین دہانی کرائیں کہ آئندہ ایسے پروگرامز نشر کرنے سے اجتناب کیا جائیگا جس سے عقائد پر حرف آتا ہو اور مذہبی جذبات مجروح ہوں، پیمرا بھی ایسے پروگرامز کی روک تھام کیلئے اپنا کردار ادا کرے۔
گزشتہ روز نشر ہونیوالے پروگرام کی شدید الفاظ میں مذمت کرتے ہوئے ترجمان نے کہا کہ گزشتہ روز ایک نجی ٹی وی چینل کے مارننگ پروگرام میں ایسے الفاظ کا تذکرہ کیا گیا اور اس میں کچھ لوگوں کو بٹھا کر خالصتاً مذہبی عقیدت و عقائد پر مشتمل قصائد اس انداز میں پیش کئے گئے جس سے لوگوں کے عقیدے اور مذہبی جذبات کو شدید ٹھیس پہنچی ہے، پورے ملک میں غم و غصے کی ایک لہر دوڑ گئی اور اسی پروگرام کے باعث لوگوں کے جذبات مجروح ہوئے۔ آزادی اظہار رائے پر کوئی پابندی نہیں لیکن مذکورہ بالا پروگرام کا اظہار رائے سے کوئی تعلق نہیں اس طرح کے پروگرام نشر کرنے سے پہلے بعض وجوہ کا جائزہ لینا ضروری ہے۔
ترجمان نے مطالبہ کیا کہ اس جسارت پر مذکورہ بالا چینل کے ذمہ داران پوری قوم سے معذرت کریں اور معاملے کے ذمہ داران کو چاہیے کہ وہ سنجیدگی کا مظاہرہ کریں اور وضاحت کے ساتھ یقین دہانی کرائیں کہ آئندہ کبھی ایسا کوئی پروگرام نشر نہیں کیا جائیگا۔ ترجمان نے مزید کہا کہ پیمرا کو بھی چاہیے کہ ایسے پروگراموں کی سختی سے مانیٹرنگ کیا کریں اور اس کے تدارک کیلئے فوری اقدامات اٹھائے جائیں۔