پیام زہراء آرگنائیزیشن پاکستان کے زیراہتمام لارکانہ سندھ میں سیرت فاطمۃ الزہراء سیمنار کا انعقاد،قائد ملت جعفریہ پاکستان کا خصوصی خطاب

جعفریہ پریس۔ پیام زہراء آرگنائیزیشن پاکستان کے زیراہتمام لارکانہ سندھ میں سیرت فاطمۃ الزہراء سیمنار کا انعقاد کیا گیا جس میں تنظیمی خواہران سمیت مومنات نے کثیر تعداد میں شرکت کی – سیرت فاطمۃ الزہراء سیمنار میں قائد ملت جعفریہ پاکستان حضرت آیت اللہ علامہ سید ساجد علی نقوی نے خصوصی خطاب کرتے ہوئے سیرت حضرت فاطمۃ الزہراء سلام اللہ علیہا کی روشنی میں خواہران کے اجتماعی امورمیں کردار پر گفتگوکی- پروگرام کے اختتام پر پیام زہراء آرگنائیزیشن پاکستان کے وفد نے مرکزی صدر خواہر سیدہ سارا نقوی کی زیر قیادت ، قائد ملت جعفریہ پاکستان حضرت آیت اللہ علامہ سید ساجد علی نقوی سے خصوصی ملاقات کی – تنظیمی ملاقات میں خواہرہ سیدہ سارا نقوی نے قائد ملت جعفریہ کو خواہران کی تنظیمی  کارکردگی اور فعالیت سے آگاہ کیا اورکہا کہ ہم خواتین میں حجاب اوراسلام کی ترویج کے لئے ملک بھر میں کام میں مصروف ہیں اس میں ہمیں آپ کی شفقت کی لازمی ضرورت ہے – اس موقع پرقائد ملت جعفریہ نے پیام زہراء آرگنائیزیشن پاکستان میں مصروف عمل خواہران کے اقدامات  کو سراہا اور کہا کہ آپ جو کام کررہی ہیں وہ انتھائی مفید ہے – آخرمیں قائد ملت جعفریہ نے پیام زہراء آرگنائیزیشن پاکستان میں مصروف عمل خواہران کی کامیابی کامرانی اور توفیقات خیر میں اضافے کی دعا کی -اس موقع پر پیام زہراء آرگنائیزیشن پاکستان کے بانی اور سابق مرکزی صدر جے ایس او پاکستان سید افتخار نقوی، ایس یو سی سندھ کے صوبائی  صدرعلامہ محمد باقر نجفی بھی قائد ملت جعفریہ پاکستان حضرت آیت اللہ علامہ سید ساجد علی نقوی کے ہمراہ موجود تھے –