وزیراعظم Shehbaz Sharif اور سعودی ولی عہد Mohammed bin Salman کے درمیان جدہ کے قصر اسلام میں اہم ملاقات ہوئی، جہاں سعودی ولی عہد نے وزیراعظم کا پرتپاک استقبال کیا۔
ملاقات میں نائب وزیراعظم Ishaq Dar بھی شریک تھے، جبکہ دونوں ممالک کے اعلیٰ حکام نے بھی شرکت کی۔
وزیراعظم شہباز شریف اور محمد بن سلمان کے درمیان ہونے والی ملاقات میں ایران-امریکا مذاکرات، خطے کی مجموعی صورتحال اور امن و استحکام کے امور پر تفصیلی گفتگو کی گئی۔ دونوں رہنماؤں نے اس بات پر اتفاق کیا کہ خطے میں پائیدار امن کے لیے مشترکہ کوششیں ناگزیر ہیں۔
اس موقع پر پاکستان اور سعودی عرب کے درمیان دوطرفہ تعلقات کو مزید مضبوط بنانے کے عزم کا اعادہ بھی کیا گیا، جبکہ مختلف شعبوں میں تعاون بڑھانے پر بھی زور دیا گیا۔
یاد رہے کہ وزیراعظم شہباز شریف ایک اہم سرکاری دورے پر اعلیٰ سطح کے وفد کے ہمراہ سعودی عرب پہنچے تھے۔ وزیراعظم آفس کے مطابق جدہ آمد پر نائب گورنر مکہ ریجن شہزادہ سعود بن مشعال بن عبدالعزیز، پاکستان میں سعودی سفیر نواف بن سعید المالکی اور سعودی عرب میں پاکستان کے سفیر احمد فاروق نے وزیراعظم اور پاکستانی وفد کا پرتپاک استقبال کیا۔