حماس کے سربراہ کی ملائیشیا کے وزیر دفاع سے ملاقات
قطر کے دارالحکومت دوحہ میں ہونے والی اس ملاقات میں اسماعیل ہینہ اور محمد سابو نے باہمی دلچپسی کے سب ہی معاملات پر تبادلہ خیال کیا۔ حماس کے سربراہ اسماعیل ہنیہ نے اس موقع پر مسئلہ فلسطین کے بارے میں ملائیشیا کے موقف کو سراہتے ہوئے، غزہ کے محاصرے کے خاتمے کی غرض سے ملائیشیا کے عوام کی جانب سے انجام پانے والی کوششوں کی بھی قدر دانی کی۔قابل ذکرہے کہ غاصب صیہونی حکومت نے سن دوہزار چھے سے غزہ کا زمینی، فضائی اور سمندری محاصرہ کر رکھا ہے جس کی وجہ سے علاقے میں آباد فلسطینیوں کو شدید مشکلات اور پریشانیوں کا سامنا ہے۔