آئین کی بالادستی میں ہی مشکلات کا حل مضمرہے قائد ملت جعفریہ پاکستان

پاکستان کا آئین ایک جامع آئین ہے ، علامہ ساجد نقوی
آئین ہی وہ دستاویز جس نے پورے ملک بشمول تمام طبقات، شعبہ ہائے زندگی کو باہم متحدکیاہواہے، قائد ملت جعفریہ پاکستان
آئین کی بالادستی میں ہی مشکلات کا حل مضمرہے ، یوم دستور پر پیغام
اسلام آباد10اپریل2025ء ( جعفریہ پریس پاکستان )قائد ملت جعفریہ پاکستان علامہ سید ساجد علی نقوی کہتے ہیں کہ پاکستان کا آئین ایک جامع آئین ہے ، پاکستان کے تمام مسائل کا حل آئین پاکستان کے حقیقی معنوں میں بالادستی میں ہے۔
ان خیالات کا اظہار انہوںنے یوم دستور پاکستان کے موقع پر کیا۔ قائد ملت جعفریہ پاکستان علامہ سید ساجد علی نقوی نے کہاکہ آئین پاکستان ہی وہ دستاویز ہے جس نے تمام اکائیوں کو آپس میں باہم جوڑ کر رکھا ہوا ہے۔پانچ دہائیاں گزر چکیں، گولڈن جوبلی منائی جاچکی، لوگ آئین کی بالادستی اور قانون کی حکمرانی کا عملی مظاہرہ دیکھنا چاہتے ہیں۔ دستور کے9 بنیادی اصول ”مساوی قانون، منصفانہ عدالتی کارروائی، فرد کا تحفظ، تعلیم و صحت کا حق،مذہبی آزادی و آزادی اظہار، نقل و حرکت کی آزادی ، سیاسی جماعت کی آزادی اور معلومات تک رسائی “مگرمذکورہ اصول عملی شکل حاصل نہ کر سکے۔ آج آئین کی بالادستی اور قانون کی حکمرانی کےلئے تمام آئین پسندقوتوں کو متحد ہونے کی ضرورت ہے ۔