• کوئٹہ میں ہونے والی دہشتگردی کی مذمت کرتے ہیں شیعہ علماء کونسل پاکستان
  • علامہ شبیر حسن میثمی کا علامہ سید علی حسین مدنی کے کتابخانہ کا دورہ
  • مفتی رفیع عثمانی کی وفات سے علمی حلقوں میں خلاء پیدا ہوا علامہ شبیر حسن میثمی
  • مسئول شعبہ خدمت زائرین ناصر انقلابی کا دورہ پاکستان
  • علامہ عارف واحدی کا سید وزارت حسین نقوی اور شہید انور علی آخوندزادہ کو خراجِ تحسین / دونوں عظیم شخصیات قومی سرمایہ تھیں
  • علامہ شبیر میثمی کی وفد کے ہمراہ علامہ افتخار نقوی سے ملاقات
  • شیعہ علماء کونسل پاکستان کے وفد کی مفتی رفیع عثمانی کے فرزند سے والد کی تعزیت
  • سید ذیشان حیدر بخاری متحدہ طلباء محاذ کے مرکزی جنرل سیکرٹری منتخب ہوئے ۔
  • شیعہ علماء کونسل پاکستان کے اعلی سطحی وفد کی پرنسپل سیکرٹری وزیر اعظم پاکستان سے تعزیت
  • شیعہ علماء کونسل پاکستان کی نواب شاہ میں پریس کانفرنس

تازه خبریں

اگر ڈاکٹر بابر کے قاتلوں کو کیفر کردار تک پہنچایا جاتا تو آج ڈاکٹر فیصل ہمارے درمیان ہوتے ،عبداللہ رضا

جعفریہ پریس – جعفریہ اسٹوڈنٹس آرگنائزیشن پاکستان کے سینیئر نائب صدر عبداللہ رضا نے ایک وفد کے ہمراہ شہید ڈاکٹر فیصل کے گھر پہنچ کر ان کے خانوادہ سے تعزیت کی۔ اس موقع پر جے ایس او پاکستان کے سینیئر نائب صدر  نے کہا کہ شہید ڈاکٹرعلاقے میں فلاحی کاموں کے لئے جانے پہچانے انسان تھے۔  وہ نہ صرف شیعہ بلکہ ہر پاکستانی کے لئے درد دل رکھنے والے انسان تھے۔ ظلم یہ ہے کہ پہلے ان کے بھائی ڈاکٹر بابر کو شہید کیا گیا اور پھر دو ماہ کے قلیل وقفے میں ڈاکٹر فیصل کو بھی ٹھیک اسی مقام پر شہید کیا گیا اور پولیس ابھی تک کچھ نہیں کرسکی۔ انہوں نے مزید کہا کہ اگر ڈاکٹر بابر کے قاتلوں کو کیفر کردار تک پہنچایا جاتا تو آج ڈاکٹر فیصل ہمارے درمیان ہوتے۔ ان کی شہادت سے حسن ابدال ایک عظیم انسان سے محروم ہوگیا ہے۔ ان کی شہادت سے نہ صرف ان کے بچے بلکہ قوم یتیم ہوگئی ہے۔ ڈاکٹر فیصل نے ہمیشہ غریبوں کا خیال رکھا، وہ اس علاقے میں ایک معروف شخص تھے۔ سینئر نائب صدر نے انجمن امامیہ کے صدر اور مقامی ماتمی سنگت کے سربراہان کے ساتھ گفتگو کرتے ہوئے کہا کہ قوم اس خانوادے کے دکھ میں ان کے ساتھ برابر کی شریک ہے اور ملک و قوم کے لیے اس خانوادے کی قربانیوں کو ہمیشہ یاد رکھا جائے گا۔ عبداللہ رضا کے ہمراہ وفد میں مولانا فرحت حسین، جعفریہ اسٹوڈنٹس آرگنائزیشن پاکستان راولپنڈی ڈویژن کے صدر ارسلان حیدر، ڈویژنل جنرل سیکرٹری سیف علی اور ٹیکسلا یونٹ کے کارکنان موجود تھے۔