ایران و عراق سرحدپر ہولناک زلزلے کے باعث جانی ضیاع پر تعزیت کرتے ہیں ،قائد ملت جعفریہ پاکستان آیت اللہ سید ساجد علی نقوی

ایران و عراق سرحدپر ہولناک زلزلے کے باعث جانی ضیاع پر تعزیت کرتے ہیں ،قائد ملت جعفریہ پاکستان آیت اللہ سید ساجد علی نقوی  امت مسلمہ کو چاہیے کہ دکھ کی اس گھڑی میں مصیبت زدہ بھائیوں کی ہر ممکن مدد کرے،قائد ملت جعفریہ پاکستان  قدرتی آفت کے باعث سینکڑوں انسانی جانوں کے ضیاع پر ایران اور عراق کی عوام کے ساتھ اظہار تعزیت و ہمدردی کرتے ہیںاسلام آباد /راولپنڈی 14نومبر 2017ء(  دفتر قائد )قائد ملت جعفریہ پاکستان علامہ سید ساجد علی نقوی کا ایران اور عراق کے سرحدی علاقوں میں قدرتی آفت کے باعث انسانی جانوں کے ضیاع پر افسوس کا اظہار، ایرانی و عراقی عوام سے اظہار تعزیت ، علامہ سید ساجد علی نقوی کہتے ہیں دکھ کی اس گھڑی میں ایرانی و عراقی عوام کے غم میں برابر کے شریک ہیں ۔ان خیالات کا اظہار انہوںنے گزشتہ روز ایران اور عراق کے سرحدی علاقوں میں آنےوالے ہولناک زلزلے اور اس کے باعث ہونیوالے جانی و مالی نقصان پر اظہار افسوس کرتے ہوئے کیا۔ علامہ سید ساجد علی نقوی نے کہاکہ قدرتی آفت کے باعث سینکڑوں انسانی جانوں کے ضیاع پر دلی افسوس اور دکھ ہے، انہوںنے ایران اور عراق کی عوام کے ساتھ اظہار تعزیت و ہمدردی کرتے ہوئے کہاکہ دکھ کی اس گھڑی میں پاکستان اور پاکستانی عوام اپنے دکھی و غم زدہ بھائیوں کے دکھ میں برابر کی شریک ہے۔ امت مسلمہ کو چاہیے کہ دکھ کی اس گھڑی میں مصیبت زدہ بھائیوں کی ہر ممکن مدد کرے۔