برطانیہ اورجرمنی سمیت یورپ بھرمیں جلوس شبیہ علم وذوالجناح برآمد , عاشورا نہایت عقیدت اور احترام سے منایا گیا

برطانیہ ،جرمنی،فرانس اوربیلجیم سمیت یورپ بھرمیں جلوس شبیہ علم وذوالجناح برآمد، ہزاروں سوگواروں کی شرکت،امریکا میں بھی نو محرم کے جلوس،امارات اورسلطنت عمان میں شام غریباں کی مجالس جاری ہیں۔حضرت امام حسین اور ان کے ساتھ جانوں کا نذرانہ پیش کرنے والوں کا ماتم برطانیہ کے مختلف شہروں میں جاری ہے۔ شب عاشور اور عاشورا کے موقع پر لندن کے امام بارگاہوں سے جلوس شبیہ علم وذوالجناح برآمد ہوئے جن میں ہزاروں عزاداروں نے شرکت کی۔یورپ کے مختلف ممالک میں بھی امام حسین کی شہادت کا غم منا یا جارہاہے۔ جرمنی کے شہر بون میں مجلس سے خطاب کرتے ہوئے علما کا کہنا تھا کہ نبی کے نواسے نے اپنے گھر کو قربان نہ کیا ہوتا تو آج اسلام کا کوئی نام لینے والا بھی نہیں ہوتا۔ یونان میں یوم عاشورہ کے موقع پرایتھنز کی دونوں امام بارگاہوں میں مجالس شام غریباں منعقد کی گئیں جن کے بعد عزاداران حسین نے ماتم اورزنجیر زنی کی ۔ اور عاشورا نہایت عقیدت اور احترام سے منایا گیا