دفتر نمائندہ ولی فقیہ وقائد ملت جعفریہ پاکستان شعبہ مشہد مقدس کے زیر اہتمام مجالس خمسہ فاطمیہ (س) کا آغاز

جعفریہ پریس – دفتر نمائندہ ولی فقیہ وقائد ملت جعفریہ پاکستان شعبہ مشہد مقدس کے زیر اہتمام مجالس خمسہ فاطمیہ (س) کا آغاز ہو گیا ہے ۔  تفصیلات کے مطابق بعد کل بروز پیر نماز مغربین کے فورا بعد ایام عزا فاطمیہ (سلام اللہ علیہا) کی پہلی مجلس عزا کا آغاز تلاوت قرآن مجید س گیا گیا جس کے بعد برادر جناب حسنین رضا صاحب نے زیارت عاشورہ اہتمام کیا اور  مجلس عزا سے جناب مولانا سید عمران حیدر نقوی صاحب نے خطاب کیا ۔
مولانا  سید عمران حیدر نقوی صاحب نے جناب سیدہ فاطمہ زہرا سلام اللہ علیھاکی فضیلت و کمالات و سیرت طیبہ پر بہت احسن انداز میں روشنی ڈالی ۔اور کہا کہ حضرت فاطمہ زہرا سلام اللہ علیھا کی شخصیت عالم انسانیت کیلئے اسوہ حسنہ ہیں ۔ جناب سیدہ (سلام اللہ علیھا) کائنات کی ایک عظیم ومثالی خاتون ہیں ۔
مجلس عزا کے بعد نوحہ خوانی بھی ہوئی ۔  مجلس عزا میں علماء کرام و طلاب عظام نے کثیر تعداد میں شرکت کی ۔بعد از مجلس و ماتم دار ی نیاز حسین علیہ السلام کا بھی اہتمام کیا گیا ۔