نماز جمعہ کے وقت شکارپورلکھی درمسجد امام بارگاہ میں بم دھماکہ، 20 افراد شہید 50 زخمی، شیعہ علما کونسل پاکستان کا 3 روزہ سوگ کا اعلان

جعفریہ پریس -شکارپور لکھی در مسجد امام بارگاہ کربلا ئے معلی میں نماز جمعہ کے وقت زوردار دھماکہ ہوا- اب تک کی موصولہ رپوٹ کے مطابق دھماکے میں 20 افراد شہید جبکہ 50 کے زخمی ہوئے ہیں- قائد ملت جعفریہ پاکستان حضرت آیت اللہ علامہ سید ساجد علی نقوی نے شکار پور لکھی در مسجد و امام بارگاہ کربلا ئے معلی میں ہونے والے بم دھماکے میں نمازیوں کی شہادت پر دلی افسوس کا اظہاراور شدید الفاظ میں مذمت کی ہےجبکہ شیعہ علماءکونسل پاکستان کے مرکزی سیکرٹری جنرل علامہ عار ف حسین واحدی نے سانحہ شکار پور پر تین روزہ سوگ کا اعلان کیا ہے-علامہ عار ف حسین واحدی نے کہا کہ دہشت گرد سرعام دندناتے پھر رہے ہیں اور وہ جہاں چاہتے ہیں دہشتگردی کردتے ہیں حکومت ان دہشتگردوں کے خلاف فوری ایکشن لے۔ علامہ عار ف حسین واحدی نے  واقعہ کی شدید الفاظ میں مذمت کرتے ہوئے دہشت گردوں کو کیفردار تک پہنچانے کا مطالبہ کیا۔