• کوئٹہ میں ہونے والی دہشتگردی کی مذمت کرتے ہیں شیعہ علماء کونسل پاکستان
  • علامہ شبیر حسن میثمی کا علامہ سید علی حسین مدنی کے کتابخانہ کا دورہ
  • مفتی رفیع عثمانی کی وفات سے علمی حلقوں میں خلاء پیدا ہوا علامہ شبیر حسن میثمی
  • مسئول شعبہ خدمت زائرین ناصر انقلابی کا دورہ پاکستان
  • علامہ عارف واحدی کا سید وزارت حسین نقوی اور شہید انور علی آخوندزادہ کو خراجِ تحسین / دونوں عظیم شخصیات قومی سرمایہ تھیں
  • علامہ شبیر میثمی کی وفد کے ہمراہ علامہ افتخار نقوی سے ملاقات
  • شیعہ علماء کونسل پاکستان کے وفد کی مفتی رفیع عثمانی کے فرزند سے والد کی تعزیت
  • سید ذیشان حیدر بخاری متحدہ طلباء محاذ کے مرکزی جنرل سیکرٹری منتخب ہوئے ۔
  • شیعہ علماء کونسل پاکستان کے اعلی سطحی وفد کی پرنسپل سیکرٹری وزیر اعظم پاکستان سے تعزیت
  • شیعہ علماء کونسل پاکستان کی نواب شاہ میں پریس کانفرنس

تازه خبریں

علامہ عارف حسین واحدی کی راولپنڈی راجہ بازار کے مرکزی جلوس عید میلاد النبی میں شرکت

جعفریہ پریس  – شیعہ علما کونسل کے مرکزی سیکریٹری جنرل علامہ عارف حسین واحدی نے ایک وفد کے ہمراہ عید میلاد النبی راولپنڈی کے مرکزی جلوس میں شرکت کی اور مختلف مقامات پر خطاب کیا – تفصیلات  کے مطابق حبیب خدا خاتم انبیاء حضرت محمد مصطفی صلی اللہ  علیہ وآلہ وسلم کی ولادت باسعادت پر ملک بھرمیں دینی مذہبی اور عوامی مراکز کو چراغااں کیا گیا ہے ظاہری تزئینات سمیت  اتحاد و وحدت کے بے مثال مناظر دیکھنے میں آرہے ہیں هر طرف خوشی کا سماں  ہے – اسی مناسبت سے قائد ملت جعفریہ پاکستان حضرت آیت اللہ علامہ سید ساجد نقوی نے 12 سے 17 ربیع الاو تک ہفتہ وحدت منانے کا اعلان کیا ہے – جعفریہ پریس کی رپورٹ کے مطابق ملت جعفریہ نے اپنے محبوب قائد کی آواز پر لبیک کہتے ہوئے ملک بھرمیں عید میلاد النبی کی ریلیوں میں شرکت  کی اور استقبالیہ کیمپس لگائے-
کراچی میں شیعہ علما کونسل کے سیکریٹری جنرل علامہ ناظر عباس تقوی نے مختلف ریلیوں میں شرکت کی اور اسقبالیہ خطاب کئے جبکہ راولپنڈی کے مرکزی عیدالنبی جلوس میں شیعہ علما کونسل کے مرکزی سیکریٹری جنرل علامہ عارف حسین واحدی نے ایک وفد کے ہمراہ  شرکت کی – جب راولپنڈی کا مرکزی جلوس راجہ بازار میں انجمن تاجران کے کیمپ پہ رکا تو غفور پراچہ نے شرکاء جلوس بالخصوص قائد ملت جعفریہ پاکستان حضرت آیت اللہ علامہ ساجد نقوی کے  نمائنده وفد کو خوش آمدید کہا اورمشاٗخ عظام و علما اھل سنت نے علامہ عارف حسین واحدی کا بڑا والہانہ استقبال کیا اس موقع پر علامہ عارف حسین واحدی نے مختلف نعت خوان حضرات میں انعامات تقسیم کیے اسی طرح علما اھلسنت اور مشائخ عظام نے علامہ عارف واحدی کو انعامات دیے – مختلف مقامات پر علامہ عارف واحدی  نے خطابات کیے اور قائد ملت جعفریہ پاکستان حضرت علامہ  سید ساجد علی  نقوی کا پیغام پہنچایا، علامہ عارف واحدی  نے خطاب کرتے ہوئے عید کی مبارک دی اور کہا کہ پاک نبی محور وحدت اور اتحاد بین المسلمین ہیں آج ہم پورے دنیا کے مسلمانوں اور اپنے ہم وطنوں کو پیغام دے رہے ہیں کہ شیعہ سنی ایک ہیں فرقہ واریت پھیلانے کی سازش ہم نے ناکام بنا دی ہے- اہلسنت  علماء کرام نے بھی قائد ملت جعفریہ پاکستان حضرت آیت اللہ علامہ سید ساجد نقوی  کی اتحاد و وحدت کی کاوشوں کو سراہا اور مکمل تعاون کا یقین دلایا اس موقع پر انجمن تاجران کے صدر نے کہا کہ ہم آپ کی اورعلامہ ساجد نقوی کی امن و اتحاد کی کاوشوں کو سراہتے ہیں اور آپ کے ساتھ ان کاوشوں میں بھر پور تعاون کے لیے تیار ہیں – جگہ جگہ علامہ عارف واحدی کو ہار پہنائے گئے اور پھولوں کی پتیاں نچھاور کی گئیں-