جعفریہ پریس۔ علی پور گھلواں پنجاب کی بزرگ قومی اور سماجی شخصیت شیعہ علماء کونسل پاکستان پنجاب کے مرکزی رہنما اورقائد ملت جعفریہ پاکستان حضرت آیت اللہ علامہ سید ساجد علی نقوی کے قریبی ساتھی سردار کاظم علی حیدری کا آج طویل علالت کے بعد نشتر ہسپتال ملتان میں رضائے الٰہی سے انتقال ہوگیا ۔ مرحوم کی قومی ، سماجی اور اجتماعی میدان میں اہم خدمات ہیں – قومی کردار کے ساتھ ساتھ ہمیشہ ملی پلیٹ فارم تحریک جعفریہ / شیعہ علما کونسل پاکستان سے وابستہ رہے اور اس وقت نائب صدر پنجاب کی حیثیت سے فعال تھے – مرحوم سردار کاظم علی حیدری نہایت نڈر اور بے باک انسان تھے، یہی وجہ تھی کہ جراتمندی کے ساتھ علی پور گھلواں میں دہشت گرد ملک اسحاق کا راستہ روکا اس افسوسناک خبر پر جے ایس او پاکستان، جعفریہ یوتھ اور شیعہ علماء کونسل کے مرکزی رہنماؤں سمیت قائد ملت جعفریہ پاکستان حضرت آیت اللہ علامہ سید ساجد علی نقوی نے افسوس کا اظہار کیا ہے۔ تنظیمی کا کہنا ہے کہ مرحوم سردار کاظم علی حیدری کی قومی ، سماجی اور اجتماعی خدمات کو کبھی فراموش نہیں کیا جا سکتا۔ جعفریہ پریس کی ٹیم بھی اس افسوسناک خبر پرمرحوم سردار کاظم علی حیدری کے اہل خانہ بالخصوص قائد ملت جعفریہ پاکستان حضرت آیت اللہ علامہ سید ساجدعلی نقوی کی خدمت میں تسلیت پیش کرتی ہے۔