فرانس کے دارالحکومت پیرس میں شانلیزے پر 2 نامعلوم افراد نے اندھا دھند فائرنگ کردی جس کے نتیجے میں ایک پولیس افسرموقع پر ہی ہلاک جبکہ ایک زخمی ہوا، جوابی کارروائی میں ایک حملہ آور بھی مارا گیا ۔

بین الاقوامی میڈیا کے مطابق فرانس کے دارالحکومت پیرس میں صدارتی انتخابات سے ایک روز قبل ہونے والی فائرنگ میں ایک پولیس اہلکار کی موت جبکہ دو دیگر زخمی ہو گئے ۔ اس حملے کی ذمہ داری داعش نے قبول کر لی ہے۔

پولیس نے بتایا کہ اس واقعہ میں دو حملہ آور شامل تھے جن میں سے ایک کو مار دیا گیا ہے۔ فائرنگ کے باعث لوگوں میں خوف و ہراس پھیل گیا جس کے بعد پولیس نے علاقے کو گھیرے میں لے کر سرچ آپریشن بھی شروع کر دیا ہے۔

LEAVE A REPLY

Please enter your comment!
Please enter your name here